Il studi maina persunas d'instrucziun cun in diplom per la scolina u per la scolina ed ina part da la scola primara ad ina qualificaziun d'instruir per tut ils sis onns da la scola primara. Ulteriuras infurmaziuns
Il studi maina persunas d'instrucziun cun in diplom per la scola primara u per la scolina ed ina part da la scola primara ad ina qualificaziun per ulteriurs roms. Ulteriuras infurmaziuns
Datas d'annunzia
- Annunzia 1. d'october fin ils 31 da matg (incl. pajament da la taxa d'annunzia da CHF 200)
- Upload dal diplom fin ils 31 da fanadur (incl. pajament da l'emprima taxa da semester)
- Fegl cun las datas persunalas fin ils 31 da fanadur (incl. conferma da dimora correcta)
L'annunzia vegn examinada suenter che la taxa d'annunzia da CHF 200 è vegnida pajada. La taxa d'annunzia vegn quintada vitiers a l'emprima taxa da semester e na vegn betg restituida en cas d'ina retratga.
Annunzia
L'annunzia pretenda ils suandants documents:
- Switch-edu-ID (Konto erstellen: Link)
- Extract dal register penal sco datoteca pdf (empustaziun extract privat)
- Foto da passaport sco datoteca jpg
- Carta d'identitad, pass u legitimaziun d'esters sco datoteca pdf (studentas e students da l'exteriur senza legitimaziun d’esters fatga per intents da gudogn pajan ina taxa da semester da CHF 3570)
- Pajament da la taxa d'annunzia da CHF 200
- Numer da matricla (per quellas e quels ch'eran gia immatriculads ina giada ad ina scola auta spezialisada, universitad u scola auta da pedagogia)
- Ev. dumonda davart la renconuschientscha da prestaziuns sco datoteca pdf tenor las prescripziuns da la cussegliaziun da studi (en cas che la renconuschientscha è giavischada)
- Ev. dumonda davart la cumpensaziun dals dischavantatgs sco datoteca pdf tenor las prescripziuns da la cussegliaziun da studi (en cas che la cumpensaziun dals dischavantatgs è giavischada)
- Evt. Ärztliche Bescheinigung zur Abwahl einer Lehrbefähigung in Bewegung und Sport
L'annunzia premetta las suandantas decisiuns:
Ulteriurs onns stgalim primar a temp parzial:
- Lingua(s) da scola: tudestg, tudestg/talian, tudestg/rumantsch u talian
- Lingua(s) estra(s): tudestg, englais, franzos, talian
- Studi cun u senza qualificaziun d'instruir en moviment e sport - persuenter ina segunda lingua estra obligatorica (be cun in attest da medi)
Ulteriurs roms stgalim primar a temp parzial:
- Lingua(s) da scola: tudestg, tudestg/talian, tudestg/rumantsch u talian
- Tscherna dals roms (max. 2 roms)
Upload dal diplom
L'upload dal diplom pretenda ils suandants documents:
- Diplom da la furmaziun preliminara sco datoteca pdf (ev. incl. numer da matricla tatgà si)
- Conferma d'exmatriculaziun (sch'ins era immatriculà avant ad in'autra scola auta)
- Attest dals puncts ECTS fatgs a l'autra scola auta (sch'ins era immatriculà avant ad in'autra scola auta)
Il diplom original da la furmaziun preliminara (document necessari per l'admissiun) è da prender cun sai il prim di da l'introducziun (al check-in) per l’assegnaziun dal numer da matricla.
Fegl cun las datas persunalas
Per determinar il chantun ch'è obligà da pajar èn necessaris ils suandants documents:
- Fegl cun las datas persunalas (il fegl cun las datas persunalas è part da l'annunzia)
- Conferma da dimora (tenor las indicaziuns en il fegl cun las datas persunalas: per il solit è necessaria la conferma da dimora d'in genitur; al cumenzament dal studi astga la conferma da dimora avair maximalmain trais mais - datà sin ils 21 da zercladur u pli tard)
Il fegl suttascrit cun las datas persunalas e la conferma da dimora èn da trametter fin ils 31 da fanadur a: SAP dal Grischun, secretariat furmaziun, Scalärastrasse 17, 7000 Cuira.
