Sur da nus

Furmaziun professiunala

Avais Vus interess per lavurs da secretariat administrativas, per contabilitad e per la lavur en la partiziun da persunal? Lura essas al dretg lieu tar nus. Nus intermediain vastas abilitads per la carriera en biro – da maniera multifara e varianta. Vus lavurais en in team giuven e motivà.

Vus avais:

• plaschair da contact e manieras orientadas a la clientella
• abilitads d’organisar ed in pensar cumplessiv
• discreziun e senn da responsabladad
• bunas abilitads linguisticas da s’exprimer
• flexibilitad ed abilitad da lavurar en ina gruppa
• plaschair da lavurar independentamain

La SAP dal Grischun As sustegna da frequentar la SMP. Nus As promovain uschia da pudair frequentar en il futur ina scola auta.

Tar nus emprendais Vus tge che quinta propi en il mintgadi dad IT: Vus sustegnais las utilisadras ed ils utilisaders tar lur dumondas, drizzais en plazzas da lavur, installais hard- e software e gidais a tegnair en funcziun noss sistems. Vus gidais davent da l’emprim di e vegnis accumpagnà d’in team che dat gugent vinavant sia savida.

Vus avais:

• Mirveglias per la tecnica e per l’informatica
• Pazienza e plaschair d’ir a fund a problems
• Ina cumparsa averta ed amiaivla envers la clientella
• Fidaivladad, era cun lavurar independentamain
• Spiert da gruppa e flexibilitad

Vus na vulais betg mo far diever da la software, mabain la sviluppar sezza/sez? En quest emprendissadi emprendais Vus pass per pass, co ch’i dat d’ina idea ina applicaziun finida: dal concept sur il code fin al testar. Vus collavurais vi da vairs projects e vegnis accumpagnads da sviluppadras e sviluppaders versads.

Vus avais:

• Interess per la tecnica e l’informatica
• In pensar logic ed ina moda da lavurar conscienziusa
• Perseveranza, sch’ina soluziun na funcziuna betg durant l’emprima emprova
• Plaschair da lavurar independentamain
• Spiert da team e flexibilitad