Lavurar a la SAP dal Grischun
Avantatgs

Las collavuraturas ed ils collavuraturs profiteschan da differents avantatgs da la Scola auta da pedagogia dal Grischun e da las purschidas da divers partenaris – quai en ils secturs sport, tecnica, mobilitad fin a l’alimentaziun. Nus augmentain cuntinuadamain la purschida.

Las reducziuns

Collavuraturas e collavuraturs profiteschan dad avantatgs en differents secturs:

Biblioteca

La SAP dal Grischun dispona d’ina biblioteca moderna e bain equipada cun ina vasta purschida. Questa purschida è gratuita per tut las collavuraturas ed ils collavuraturs. Plinavant pon las collavuraturas ed ils collavuraturs era far diever gratuitamain da la purschida da la Biblioteca chantunala dal Grischun. 

Per cumpras da cudeschs dat la Buchhandlung Conradi 10% rabat a las collavuraturas ed als collavuraturs da la SAP dal Grischun. 

Emprest d’apparats e support d’informatica

Collavuraturas e collavuraturs profiteschan da noss emprest da multimedia. Els pon reservar ed emprestar cameras da fotografar e da video, apparats da registrar audios, tablets ed ulteriurs apparats sco er ils accessoris correspundents. Il support dad IT accumpogna l’emprest e dat sin dumonda era curtas introducziuns co utilisar ils apparats.

Abunaments exclusivs

Collavuraturas e collavuraturs profiteschan da cundiziuns exclusivas sin abunaments da handy, d’internet e da televisiun sur il «Benefit Program» da Sunrise.

Sport

La SAP dal Grischun e la FH Grischun han ina vasta purschida da sport. Plinavant avain nus sin noss areal, sper noss implants da sport, in’atgna stanza da fitness, ina halla da sport ed ina plazza da ballape ed ina da ballabasket.
En partenadi cun noss purschider da fitness PureGym pon collavuraturas e collavuraturs trenar gratuitamain ed en l’entira Svizra en ils studios da PureGym.

Alimentaziun

Sin il campus da la SAP dal Grischun hai la pussaivladad da sa nutrir en il Restaurant Scaläratreff u en ils differents locals da cuminanza.
Per tut las collavuraturas e tut ils collavuraturs stattan a disposiziun gratuitamain café, té e maila.

Locals da cuminanza

Nizzegiai ils differents locals ordaifer l’instrucziun. Tut tenor basegn èn quests endrizzads u sco plazs da lavur, u sco plaz patgific u era sco plaz per mangiar.

Reservaziun da stanzas

Ordaifer ils temps d’instrucziun stattan las stanzas d’instrucziun libramain a disposiziun suenter ina reservaziun online.

Meds da transport

Cun in abo da carsharing per collavuraturas e collavuraturs pudais Vus utilisar facilmain ils autos d’emprest sin l’areal. Ils vehichels da servetsch da la SAP dal Grischun pon vegnir duvrads gratuitamain las fins d’emna ed ils firads – mintgamai da venderdi a las 18:00 fin dumengia a las 18:00.

Collavuraturas e collavuraturs profiteschan plinavant d'in access reducì a la rait da bikesharing da la citad da Cuira e pon da tut temp emprestar in velo via app. 

Traffic public

Las collavuraturas ed ils collavuraturs han la pussaivladad da retrair gratuitamain in abunament da mesa taxa.

Parcadis da velo

Tar nossa scola auta – che ha en mira la persistenza – datti avunda parcadis da velo gratuits.

Assicuranza supplementara cunter accidents (UVG-Z)

Las premias per la 1. classa d’ospital vegnan surpigliadas cumplainamain da la SAP dal Grischun.

Supplement social spezial 

Supplement mensil sper ils supplements per uffants.

Custs per la tgira d'uffants externa 

In terz dals custs per la tgira d'uffants externa vegn surpiglià. 

Supplement da persistenza

Las collavuraturas ed ils collavuraturs che van a pe, cun velo u cun il traffic public a lavurar survegnan in ulteriur supplement.

Contact

Ihr Browser (IE 11) ist leider zu alt und wird nicht mehr unterstützt.