Studi
Tut ils studis da master

Ils studis da master a la SAP dal Grischun sa drizzan a differentas gruppas d’interess: studis da master per futuras persunas d’instrucziun dal stgalim secundar I (e scolas da maturitad), per pedagogia curativa da scola sin stgalim primar e secundar sco er in project da cooperaziun da differentas scolas autas en il champ dal svilup da la scola. Ensemen cun ils studis da bachelor per il stgalim primar cuvran els in grond champ da l’ambient da scola.

Studi da master: Stgalim secundar I – per persunas cun in bachelor spezialisà

Sco scolast:a sin il stgalim secundar I preparais Vus giuvenils per lur futur. Questa professiun pretensiusa cuntanschais Vus cun in studi da trais onns a temp parzial a la Scola auta da pedagogia. In program variant cun ina gronda cumpart da didactica dal rom e da pratica professiunala As spetga. La furmaziun è fitg individualisada ed As qualifitgescha d’instruir en ina scola reala u secundara.

ulteriuras infurmaziuns

Studi da master: Stgalim secundar I + scolas da maturitad – per persunas cun in master spezialisà

Sco scolast:a sin il stgalim secundar I e scolas da maturitad preparais Vus giuvenils per lur futur. Questa professiun pretensiusa cuntanschais Vus cun in studi da trais onns a temp parzial a la Scola auta da pedagogia. In program variant cun ina gronda cumpart da didactica dal rom e da pratica professiunala As spetga. La furmaziun è fitg individualisada ed As qualifitgescha d’instruir en ina scola reala u secundara sco er en scolas da maturitad.

ulteriuras infurmaziuns

Studi da master: Stgalim secundar I – per persunas d'instrucziun dal stgalim primar

Sco scolast:a sin il stgalim secundar I preparais Vus giuvenils per lur futur. In stgalim supplementar per il stgalim secundar I cuntanschais Vus sco persuna d'instrucziun dal stgalim primar cun in studi da trais onns a temp parzial.

ulteriuras infurmaziuns

Studi da master: Pedagogia curativa da scola

Pedagogas e pedagogs curativs da scola instrueschan, accumpognan e promovan scolaras e scolars cun basegns da furmaziun spezials. En quest connex collavuran els stretgamain cun persunas d’instrucziun, cun expertas ed experts e cun geniturs. Il studi da master collia svilups actuals da la pratica cun enconuschientschas scientificas.

ulteriuras infurmaziuns

Studi da master : Svilup da la scola

Midadas socialas influenzeschan las scolas ed èn ina sfida per ellas. Sco sviluppadra/sviluppader da la scola participais Vus da maniera activa d’iniziar pass da svilup e da definir novs process. Il studi da master Svilup da la scola en cooperaziun cun autras scolas autas As qualifitgescha sco expertas ed experts dal svilup da la scola sin nivel naziunal ed internaziunal.

ulteriuras infurmaziuns

04. da november

Occurrenza d'infurmaziun per ils studis da master Stgalim secundar I e scolas da maturitad

PH Graubünden, Scalärastrasse 17, Chur, Hörsaal B.00.002