Sco SAP dal Grischun promovain nus la giustia da las schanzas, la diversitad e l’inclusiun. Uschia pudain nus trair a niz in pool da talents pli vast, profitar d'ina diversitad che promova la creativitad e garantir che nossas activitads d'instrucziun e perscrutaziun sajan coordinadas cun ils basegns da l'entira societad e particularmain cun las scolas. Correspundentamain ha il tema "s’occupar da l'eterogenitad" ina gronda impurtanza en la furmaziun da las persunas d'instrucziun.
Cun projects interns da la scola auta, sco p.ex. la plurilinguitad, la promoziun da MINT che resguarda il gender ed il svilup da meds d'instrucziun, avain nus bainduras la finamira da contribuir vers anora, cun integrar las experientschas fatgas en la scolaziun ed en la furmaziun supplementara da las persunas d'instrucziun.
Sco incumbensada per la diversitad a la SAP dal Grischun m'engasch jau che questa tematica relevanta per la societad ed ils projects interns da la scola auta en quest connex vegnian resguardads e realisads correspundentamain en nossa scola auta. Uschia vegn contribuì fermamain d’etablir nossa cultura da scola auta.
Gender Campus è la plattafurma per studis da gender, egualitad e diversitad en il spazi da las scolas autas svizras. La redacziun infurmescha davart activitads e novitads en connex cun quests temas e collia persunas ed instituziuns a las scolas autas svizras ed ordaifer.
En ils studis da la SAP dal Grischun vegnan tschertgadas ina occupaziun cun la tematica da l'egualitad da las schanzas sco er ina didactica confurma a las schlattainas.
Ihr Browser (IE 11) ist leider zu alt und wird nicht mehr unterstützt.