Sendas, 1994

Motivs sablunads sin vaider
Serigrafia d’aluminium

Sendas è il titel rumantsch da l’ovra da Patricia Jegher. El renviescha a las differentas pussaivladads da furmaziun a la SAPGR e medemamain a las vias tras l’edifizi – adina cun l’opziun da prender in spartavias u da midar direcziun.

Partind da l’architectura, ha Jegher creà in dialog tranter las materialias aluminium e vaider che stattan visavi ina a l’autra. Oravant tut ils extrems han attratg ella: l’aluminium nuntransparent e la permeabilitad visuala da la front da vaider. Quella avra il sguard en la cuntrada e sin il Calanda. La serigrafia naira sin l’aluminium alv ed il vaider sablunà furman ina curnisch da maletgs rectangulars cun motivs abstracts che creeschan dinamica.

Sch’ins guarda precis, ves’ins furmas che sa repetan e che suttastritgan l’idea dal dialog. L’artista ha dà ina paisa speziala a la cumbinaziun da furma, moviment e cumposiziun. (SP)