Studegiar a la SAP dal Grischun
Avantatgs

Studentas e students profiteschan da differents avantatgs da la Scola auta da pedagogia dal Grischun e da las purschidas da divers partenaris – quai en ils secturs sport, tecnica, mobilitad fin a l’alimentaziun. Nus augmentain cuntinuadamain la purschida.

Las reducziuns

Las studentas ed ils students profiteschan dad avantatgs en differents secturs:

Biblioteca

La SAP dal Grischun dispona d’ina biblioteca moderna e bain equipada cun ina vasta purschida. Questa purschida è gratuita per tut las studentas ed ils students. Plinavant pon las collavuraturas ed ils collavuraturs era far diever gratuitamain da la purschida da la Biblioteca chantunala dal Grischun. 

Per cumpras da cudeschs dat la Buchhandlung Conradi 10% rabat a las collavuraturas ed als collavuraturs da la SAP dal Grischun. 

Software e hardware

Durant il studi As mettain nus a disposiziun gratuitamain Microsoft Office. En collavuraziun cun Brack e Neptun purschain nus plinavant notebooks ed autra hardware per in pretsch attractiv.

Emprest d’apparats e support d’informatica

Studentas e students profiteschan da noss emprest da multimedia. Els pon reservar ed emprestar cameras da fotografar e da video, apparats da registrar audios, tablets ed ulteriurs apparats sco er ils accessoris correspundents. Il support dad IT accumpogna l’emprest e dat sin dumonda era curtas introducziuns co utilisar ils apparats.

Sport

La SAP dal Grischun e la SAS dal Grischun han ina vasta purschida da sport. En partenadi cun noss purschider da fitness PureGym pon studentas e students trenar en l’entira Svizra en ils studios da PureGym. L'entira purschida stat a disposiziun per ina contribuziun da sulettamain CHF 100.00 per onn da studi.
Plinavant avain nus sin noss areal in’atgna stanza da fitness, ina halla da sport, ina plazza da ballape ed ina da ballabasket che pon vegnir nizzegiadas gratuitamain.

Alimentaziun

Sin il campus da la SAP dal Grischun hai la pussaivladad da sa nutrir en il Restaurant Scaläratreff u en ils differents locals da cuminanza.

Locals da cuminanza

Nizzegiai ils differents locals ordaifer l’instrucziun. Tut tenor basegn èn quests endrizzads u sco plazs da lavur, u sco plaz patgific u era sco plaz per mangiar.

Reservaziun da stanzas

Ordaifer ils temps d’instrucziun stattan las stanzas d’instrucziun libramain a disposiziun suenter ina reservaziun online.

Meds da transport

Cun in abo da carsharing per studentas e students pudais Vus utilisar facilmain ils autos d’emprest sin l’areal.
Studentas e students profiteschan plinavant d'in access reducì a la rait da bikesharing da la citad da Cuira e pon da tut temp emprestar in velo via app. 

Parcadis da velo

Tar nossa scola auta – che ha en mira la persistenza – datti avunda parcadis da velo gratuits.

Contact

Ihr Browser (IE 11) ist leider zu alt und wird nicht mehr unterstützt.