Studegiar e lavurar a la SAP dal Grischun
Noss campus

Il campus da la SAP dal Grischun colliescha la vita urbana cun la quietezza alpina. Qua emprendain, instruin, lavurain e perscrutain nus en in ambient inspirant - cun vista sin la citad e las muntognas.

Bainvegni a la SAP dal Grischun – in lieu nua ch’ina atmosfera persunala ed averta e la natira s'inscuntran directamain davant porta. Studentas e students sco era collavuraturas e collavuraturs profiteschan d’ina purschida multifara da sport universitar en cooperaziun cun la Scola auta spezialisada dal Grischun e partenaris locals – da fitness, raiver e nudar fin sports d’equipa sco ballape u beachvolley. Vitiers vegnan avantatgs attractivs en ils champs sport, tecnica, mobilitad ed alimentaziun. Uschia porscha il campus las meglras premissas per studegiar, lavurar e sa sentir bain.

Viadi

Meds da transport publics
Bus nr. 3 davent da la staziun direcziun Masans/Haldenstein/Untervaz fin fermada “Weisstorkel”, lura ir da la Weisstorkelgasse si.

Bus nr. 4 davent da la staziun direcziun Spitäler/Altersheim fin fermada “Waldhaus”, lura da la Scalärastrasse engiu.

Urari dal bus

Parcadis

Ils parcadis da la Scola auta da pedagogia stattan a disposiziun da glindesdi fin venderdi (07.30-17:30) sulettamain a vehichels cun permissiun. Ils parcadis taxabels pon sulettamain vegnir utilisads durant l'emna tranter las 17:30 e las 07:30 uras sco era las fins d'emna da visitaders (1.50 CHF l’ura). Pussaivladads da parcar chattais Vus en la Scalärastrasse, la Cadonaustrasse, tar la baselgia Heiligkreuz (access Giacomettistrasse) ed en la chasa da parcar tar l’Ospital chantunal dal Grischun. Tut las pussaivladads da parcar inditgadas giaschan be paucas minutas da chaminar da la Scola auta da pedagogia.

Locals d'instrucziun Storchengasse & Grabenstrasse

Las localitads d'instrucziun externas a la Storchengasse 4 e Grabenstrasse 15 sa chattan amez la citad veglia da Cuira. Omadus lieus èn da cuntanscher en circa 10 minutas a pe u cun il bus davent da la staziun da Cuira.

Viadi cun ils meds da transport publics

LIeu Storchengasse 4:

Bus 2, 3 u 4 fin la fermada «Quader Center». Alura a pe sur la Quaderstrasse e la Reichsgasse fin a la Storchengasse.

Lieu Grabenstrasse 15:

Bus 9, 10, 11 e 12 a partir da la staziun da Cuira fin la fermada «Postplatz».

Urari dal bus

Pussaivladads da parcar

En la proxima vischinanza dad omadus lieus stattan a disposiziun chasas da parcar publicas:

Per il lieu Storchengasse 4:

Chasa da parcar Arcas (Jochstrasse 1 / Arcasplatz)
Chasa da parcar Lindenquai (Lindenquai 22)

Per il lieu Grabenstrasse 15:

Chasa da parcar Stadtbaumgarten (Gäuggelistrasse 14)
Chasa da parcar City (Quaderstrasse 8)

Il lieu porscha tut per in studi reussì e per il mintgadi da lavur

auditoris moderns, stanzas d’instrucziun e plazzas da lavur
ina biblioteca plain glisch cun plazs da lavur ed ina gronda schelta da cudeschs, e-books, e-schurnals e bancas da datas
ina halla da sport, stanzas da musica, ina sala da ritmica, lavuratoris, ina cuschina da scola e bler auter pli
lieus da recreaziun attractivs cun vista sin la citad e la natira
iert natiral e d’avieuls selvadis – in lieu per star e sa recrear
equipament dad IT modern e WLAN dapertut per pudair lavurar ed emprender da maniera flexibla
mensa cun menus frestgs, preparads mintga di per in pretsch favuraivel
cafetaria cun snacks, bavrondas e spezialitads da café
e-bikes ed autos da Mobility directamain sin il campus

Studi: Lieu d’emprender Grischun

Il Grischun fa scola. En la citad alpina Cuira porschan trais scolas autas interessants studis en ils champs pedagogia, tecnica, economia, turissem e teologia. Cuira è a l’entrada da la pli gronda regiun da vacanzas da la Svizra. Grischun munta natira pura, trilinguitad e varietad culturala. Regiuns attractivas da sport d’enviern e da stad èn da chattar avant l’isch-chasa. Sco studenta u student da la Scola auta da pedagogia dal Grischun emprendais Vus d’enconuscher il caracter ed il scharm da Cuira e da las regiuns dal Grischun sco era la plurilinguitad vivida.

ulteriuras infurmaziuns