Sculptura da funtauna, 1984

Funtauna e tschintg quaders da crap

Cun ina sculptura radunda da funtauna e cun tschintg quaders da crap gruppads enturn quella, ha Susanne Flütsch-Scheidegger stgaffì in lieu da scuntrada. Cunfinant cun la Scalärastrasse envidan ils quaders sut trais grondas plantas da feglia da seser, da star e da sa barattar ed accentueschan la funcziun sociala da l’art en il spazi public.

La funtauna sa mova tranter abstracziun e figuraziun. Empè d’ina funtauna cun ina figura decorativa, ha la sculptura creà ina furma cumpacta ed organica en la quala s’uneschan il corp, il batschigl ed il surscul d’aua ad in’unitad sculpturala. La furma lascha pensar ad in corp uman cun bratscha ch’enserra per proteger e che furma il batschigl. Tras duas foppas en furma da cuppas, sumegliantas a mauns abstrahads, sorta l’aua da la vart.

Cun crap natiral ed aua tematisescha Flütsch-Scheidegger elements centrals da la cuntrada oriunda dal lieu, ch’era ina giada caracterisà da blocs da grippa, da curs d’aua e da bovas. (NR)