Annunzia

Examen d'admissiun

L'emprima annunzia a l'examen d'admissiun succeda online.

Ils suandants pass èn da far per l'annunzia online: 

1. Far ina SWITCH edu-ID
2. Preparar ils documents necessaris 
3. Emplenir l'annunzia online 

Suenter l'annunzia:

Suenter Vossa annunzia lianta examinain nus Voss documents ed As contactain per e-mail u per telefon. Silsuenter chargiais Vus si Voss diploms per l'ulteriura controlla.

Faschai per plaschair attenziun che mo annunzias cumplettas ed inoltradas a temp pon vegnir resguardadas.

En cas da dumondas As drizzai per plaschair directamain al secretariat furmaziun: ausbildung@phgr.ch / +41 81 354 03 05

Per il process d'annunzia duvrais Vus ina SWITCH edu-ID.

La SWITCH edu-ID è Vossa identitad digitala duraivla per il mund da las scolas autas svizras – per studentas e students, per absolventas ed absolvents, per perscrutadras e perscrutaders, per persunas d'instrucziun e per collavuraturas e collavuraturs da scolas autas.

En cas che Vus n'avais anc nagina SWITCH edu-ID, pudais Vus endrizzar quella en il process d'annunzia en trais simpels pass:

1. Endatai Voss num e prenum, Vossa adressa dad e-mail ed in pled-clav.
2. Acceptai las cundiziuns d'utilisaziun per che Voss conto d'utilisader vegnia creà. Silsuenter survegnis Vus in e-mail da conferma.
3. Cliccai sin il link en l'e-mail per activar Voss conto.

Durant il process dannunzia chargiais Vus si pass per pass ils documents necessaris. Sch'i dovra anc documents supplementars, infurmain nus Vus cun la supplica d'inoltrar quels bainspert. 

Annunzia curs preliminar: fin ils 28 da favrer

Documents ed indicaziuns che Vus duvrais per il process d'annunzia:

• Diplom da la furmaziun preliminara sco datoteca pdf
• Certificat B1 sco datoteca pdf per la lingua estra che sto vegnir tschernida (certificat B2 per studentas e students extrachantunals cun lingua estra tudestg)
• Carta d'identitad, pass u legitimaziun d’esters sco datoteca pdf
• Curriculum vitae sco datoteca pdf
• Extract dal register penal (betg pli vegl che 3 mais)

L'annunzia premetta las suandantas decisiuns:

• Lingua da scola (emprima lingua): Elegiai tranter tudestg, talian e rumantsch.
• Lingua estra (segunda lingua): Elegiai tranter tudestg, englais u talian.

Dumondas che Vus pudais far durant il process d’annunzia:

• Dumonda da cumpensaziun dals dischavantatgs: Inoltrai il pdf tenor las prescripziuns da la cussegliaziun da studi.

Las taxas d’examen muntan a 650 francs e vegnan messas a quint suenter che l’annunzia è terminada.