Weg, 1984

Reliev en betun
Stgala d’aua cun in palindrom engravà
Bassin d'aua

Partind dal term «Weg» s’extenda l’ovra da pliras parts da Laura Weidacher Buchli per lung da la via d’access a l’edifizi principal da la scola auta. En trais lavurs, che sa refereschan ina sin l’autra, collia l’artista lingua, spazi e moviment per reflectar davart las vias da furmaziun e las vias da viver.

In reliev da pleds cun ina gronda surfatscha furma il cumenzament. Ils bustabs tagliads en il betun regordan a la siluetta da la muntogna dentada da Cuira. Entant ch’il reliev dals pleds marchescha la via sco maletg scrit, envidan la stgala d’aua suandanta ed il bassin a la participaziun fisica: pir cun ir sa concentreschan ils pleds engravads en ils stgalims ed ils quaders da betun a patratgs averts davart il svilup, l’orientaziun e la tschertga da las finamiras. La successiun dals pleds dal palindrom en il bassin final pon ins leger enavant sco er enavos. Ils pleds preciseschan che las vias van darar en lingia directa, mabain ch’ellas èn caracterisadas da guntgidas e da midadas da direcziun. (NR)