Studi da bachelor

Studi da bachelor Scolina e scola primara (1. – 2.)

Vulais Vus promover ed accumpagnar uffants da la scolina fin en la 2. classa? Sco persuna d’instrucziun gidais Vus ils uffants da sa sviluppar tenor lur preferenzas. A la Scola auta da pedagogia dal Grischun emprendais Vus co elavurar cuntegns da maniera didactica e co stgaffir in’atmosfera positiva en stanza da scola.

ulteriuras infurmaziuns

Studi da bachelor Scola primara (1. – 6.)

Sco scolast/a dal stgalim primar instruis Vus uffants da l’emprima fin sisavla classa. Vus stgaffis chaschuns d’emprender cun las qualas las scolaras ed ils scolars pon sa sviluppar da maniera optimala. La Scola auta da pedagogia As prepara sin l’instrucziun en tut ils roms dal plan d’instrucziun e pussibilitescha d’applitgar models teoretics da maniera pratica.

ulteriuras infurmaziuns

Qualificaziuns d’instruir Studis supplementars

Vus essas persuna d’instrucziun diplomada e vulais instruir ulteriurs stgalims da scola u roms? Cun ils studis supplementars da la Scola auta da pedagogia dal Grischun survegnis Vus ina qualificaziun d’instruir correspundenta. U vulais Vus ina renconuschientscha naziunala per Voss diplom d’instrucziun da l’exteriur? Mesiras da cumpensaziun individualas a la SAP dal Grischun As mainan a la finamira

ulteriuras infurmaziuns

Studi da master

Studi da master Pedagogia curativa da scola

Pedagogas e pedagogs curativs da scola instrueschan, accumpognan e promovan scolaras e scolars cun basegns da furmaziun spezials. En quest connex collavuran els stretgamain cun persunas d’instrucziun, cun expertas ed experts e cun geniturs. Il studi da master collia svilups actuals da la pratica cun enconuschientschas scientificas.

ulteriuras infurmaziuns

Studi da master Svilup da la scola

Midadas socialas influenzeschan las scolas ed èn ina sfida per ellas. Sco sviluppadra/sviluppader da la scola participais Vus da maniera activa d’iniziar pass da svilup e da definir novs process. Il studi da master svilup da la scola en cooperaziun cun autras scolas autas As qualifitgescha sco expertas ed experts dal svilup da la scola sin nivel naziunal ed internaziunal.

ulteriuras infurmaziuns

Ihr Browser (IE 11) ist leider zu alt und wird nicht mehr unterstützt.