Annunzia

Studi da bachelor scola primara (1.– 6. classa) – a temp parzial

L'emprima annunzia al studi a la SAP dal Grischun succeda online.

Ils suandants pass èn da far per l'annunzia online: 

1. Far ina SWITCH edu-ID
2. Preparar ils documents necessaris 
3. Emplenir l'annunzia online 
4. Pajar las taxas d'annunzia

Suenter l'annunzia:

Suenter Vossa annunzia lianta examinain nus Voss documents ed As contactain per e-mail u per telefon. Silsuenter chargiais Vus si Voss diploms per l'ulteriura controlla. Uschespert che Vossa annunzia è vegnida confermada, ans tramettai per posta il fegl persunal ch'è vegnì activà en il formular d'annunzia sco er ina conferma da domicil (datada sin ils 21 da zercladur u pli tard).

Faschai per plaschair attenziun che mo annunzias cumplettas ed inoltradas a temp pon vegnir resguardadas.

En cas da dumondas As drizzai per plaschair directamain al secretariat furmaziun: ausbildung@phgr.ch / +41 81 354 03 05

Per il process d'annunzia duvrais Vus ina SWITCH edu-ID.

La SWITCH edu-ID è Vossa identitad digitala duraivla per il mund da las scolas autas svizras – per studentas e students, per absolventas ed absolvents, per perscrutadras e perscrutaders, per persunas d'instrucziun e per collavuraturas e collavuraturs da scolas autas.

En cas che Vus n'avais anc nagina SWITCH edu-ID, pudais Vus endrizzar quella en il process d'annunzia en trais simpels pass:

1. Endatai Voss num e prenum, Vossa adressa dad e-mail ed in pled-clav.
2. Acceptai las cundiziuns d'utilisaziun per che Voss conto d'utilisader vegnia creà. Silsuenter survegnis Vus in e-mail da conferma.
3. Cliccai sin il link en l'e-mail per activar Voss conto.

Durant il process dannunzia chargiais Vus si pass per pass ils documents necessaris. Sch'i dovra anc documents supplementars, As infurmain nus cun la supplica d'inoltrar quels bainspert. 

Fasa 1: fin ils 31 da matg

Documents ed indicaziuns che Vus duvrais per il process d'annunzia:

• Extract dal register penal sco datoteca pdf (empustaziun extract privat)
• Foto da purtret sco datoteca jpg: d'auta resoluziun, bain identifitgabla, davant in fund neutral d'ina colur senza musters u objects
• Carta d'identitad, pass u legitimaziun d'esters sco datoteca pdf 
• Numer da matricla: per studentas e students ch'èn gia immatriculads en ina scola auta spezialisada, universitad u scola auta da pedagogia en Svizra.
  
  

L'annunzia premetta las suandantas decisiuns:

• Instrument: Elegiai tranter flauta, ghitarra, clavazin u chant solo. 
• Moviment e sport. Vus pudais absolver il studi cun u senza qualificaziun d'instruir en moviment e sport. Sche Vus vulais desister da la qualificaziun d'instruir, tscherni ina segunda lingua estra e preschentai in attest dal medi.
• Lingua(s) estras: Elegiai tranter tudestg, englais, franzos, talian

Dumondas che Vus pudais far durant il process d'annunzia:

• Dumonda davart la renconuschientscha da prestaziuns gia acquistadas (ECTS): Inoltrai il pdf tenor las prescripziuns da la cussegliaziun da studi.
• Dumonda da cumpensaziun dals dischavantatgs: Inoltrai il pdf tenor las prescripziuns da la cussegliaziun da studi.

Fasa 2: fin ils 31 da fanadur

Diploms necessaris per cumplettar il process d'annunzia: 

• Diplom(s) da la furmaziun preliminara: datoteca pdf, ev. incl. numer da matricla tatgà si. 
• Conferma d'exmatriculaziun cun attest dals puncts ECTS fatgs a l'autra scola auta: be sch'ins era  immatriculà avant en in'autra scola auta
  
  

Documents che vegnan duvrads per determinar il chantun ch'è obligà da pajar:  

• Fegl cun las datas persunalas: La fin da zercladur survegnis Vus l'incumbensa per emplenir il fegl cun las datas persunalas. 
• Conferma da dimora: Proceder tenor las indicaziuns en il fegl cun las datas persunalas. Per il solit è necessaria la conferma da dimora d'in genitur, malgrà maiorennitad. Al cumenzament dal studi astga la conferma da dimora avair maximalmain trais mais (datà sin ils 21 da zercladur u pli tard).
  
  

Il fegl suttascrit cun las datas persunalas e la conferma da dimora (en original) èn da trametter fin ils 31 da fanadur per posta a: SAP dal Grischun, secretariat furmaziun, Scalärastrasse 17, 7000 Cuira.

Cun trametter l'annunzia online resulta ina taxa d'annunzia da 200 francs. L'annunzia vegn controllada suenter avair pajà la taxa d'annunzia. La taxa d'annunzia vegn messa a quint a l'emprima taxa da semester, na vegn dentant betg restituida en cas d'ina annullaziun.

La taxa da semester importa 650 francs e vegn messa a quint avant il cumenzament dal semester. Studentas e students da l'exteriur che na possedan betg in document d'esters per intents da gudogn pajan ina taxa da semester da 3570 francs.