Direcziun da l’organisaziun
Svilup da la scola auta

La Scola auta da pedagogia dal Grischun sa chapescha sco organisaziun ch’emprenda e che sa sviluppa vinavant da maniera cuntinuanta e persistenta. Per ademplir questa pretensiun, planisescha la SAP dal Grischun ensemen cun las gruppas d’interess pertutgadas da la scola auta projects da strategia, da raits, da svilup e da structuraziun. Nus tgirain ina cultura da collavuraziun e vivain ina chapientscha da qualitad expressiva.

Invista en l’ADN da la SAP dal Grischun: nossa chapientscha da qualitad

Mintga organisaziun sa lascha caracterisar tras in’expressiun individuala da sia strategia, sia structura e da sia cultura, uschia era la SAP dal Grischun. Sco metafra per sia varietad unica stat il simbol d’ina ADN abstracta.

L’ADN da la SAP dal Grischun mussa nossa chapientscha da qualitad. Ella exprima la dependenza vicendaivla e l’interacziun tranter strategia, structura e cultura.

Strategia

La strategia cumpiglia la missiun e la visiun e determinescha finamiras strategicas. Ella dat ina direcziun a noss agir.

Structura

La structura reglescha las cumpetenzas, las responsabladads ed ils process da la SAP dal Grischun (organisaziun da la structura e dals process).

Cultura

La cultura cumpiglia las valurs, ils princips da manar ed ils artefacts da la SAP dal Grischun.

Process da perfecziunament cuntinuant

La SAP dal Grischun sa sviluppa cuntinuadamain. Il process da perfecziunament è la part integrala dal management da qualitad. Il ciclus da qualitad PDCA (plan, do, check, act) garantescha quest process.

Ihr Browser (IE 11) ist leider zu alt und wird nicht mehr unterstützt.