Direcziun da l'organisaziun
Management da qualitad ed accreditaziun

Noss management da qualitad è in instrument da manar l’organisaziun a moda persistenta e contribuescha cun quai essenzialmain d'ademplir il mandat da prestaziun ed il svilup da la scola auta.

Per ademplir il management da qualitad s’orientescha la Scola auta da pedagogia dal Grischun tenor las suandantas directivas:

  • Management da qualitad transparent: Nus concepin noss management da qualitad da maniera suandabla e chapaivla.
  • Proceder basà sin las datas: Nus utilisain datas qualitativas e quantitativas sco basa per pudair prender decisiuns fundadas.
  • Meglieraziun cuntinuanta: Nus examinain e sviluppain regularmain vinavant nossas purschidas, noss process ed instruments. 
  • Promoziun d’innovaziuns: Nus promovain sistematicamain novas ideas, metodas e tecnologias.
  • Garanzia d’ina conscienza per qualitad: Nus chapin qualitad sco responsabladad communabla da tut las commembras ed ils commebers da la scola auta. 
  • Promoziun da la participaziun: Nus integreain tut las commembras e tut ils commembers da la scola auta en il svilup da qualitad. 
  • Sustegn per las studentas ed ils students: Nus sustegnain las studentas ed ils students cun resursas d’emprender, cussegliaziuns ed ulteriuras purschidas che correspundan als basegns.
  • Communicaziun externa: Nus infurmain da maniera transparenta e cumplessiva davart nossas purschidas e prestaziuns.

Noss sistem da management da qualitad orientà al process furma la basa per garantir la qualitad dals process interns e per optimar cuntinuadamain ils process.

La garanzia da la qualitad è part da noss management da qualitad. Cun mesiras d'examinar garantin nus che nus cuntanschain nossas finamiras da qualitad. Las persunas incumbensadas per la qualitad sustegnan la direcziun da la scola auta da garantir la qualitad. Ellas garanteschan er il transfer da savida entaifer nossa scola auta e s'engaschan per exempel per il svilup d'instruments da qualitad.

La chapientscha da qualitad da la SAP dal Grischun

L'ADN da la SAP dal Grischun illustrescha nossa chapientscha da qualitad. Ella stat per la dependenza vicendaivla e per l'interacziuin tranter strategia, structura e cultura.

  • Strategia: Nossa strategia cumpiglia nossa missiun e visiun e determinescha nossas finamiras strategicas. Ella fixescha ina direcziun per noss agir. 
  • Structura: Nossa structura reglescha las cumpetenzas, las responsabladads ed ils process a la SAP dal Grischun.
  • Cultura: Nossa cultura cumpiglia las valurs, ils princips da manar e las furmas d'expressiun visiblas e vividas da la SAP dal Grischun. 
  • Process da meglieraziun cuntinuà: Nus ans sviluppain cuntinuadamain vinavant. Il process da meglieraziun è part dal management da qualitad. Il ciclus da qualitad PCDA (Plan, Do, Check, Act) garantescha quest process.

L’accreditaziun sco sigil da qualitad naziunal

La SAP dal Grischun è accreditada instituziunalmain tenor la Lescha davart l’agid a las scolas autas e lur coordinaziun (LSAP). Uschia ademplin nus ils standards da qualitad per las scolas autas svizras prescrits da la Confederaziun. L’emprima accreditaziun è stada l’onn 2019; la reaccreditaziun actuala è valaivla fin il 2034. La renovaziun faschain nus tenor las directivas da la Confederaziun.

En la decisiun dal cussegl d’accreditaziun hai num:

«La gruppa d’expertas e d’experts appreziescha la SAP dal Grischun sco scola auta bain manada cun ina ferma cultura da qualitad ed in sistem da management da qualitad efficazi. Accentuads vegnan la gronda conscienza per qualitad da tut las commembras e da tut ils commembers da la scola auta, la cultura da feedback e da participaziun vivida, la communicaziun interna transparenta sco era la stretga colliaziun tranter la strategia, il management da qualitad e la direcziun da la scola auta. Plinavant vegnan valitadas a moda positiva las cleras structuras da direcziun, l’orientaziun consequenta a la pratica, a la perscrutaziun sco basa ed a l’innovaziun en l’instrucziun ed en la furmaziun supplementara sco era la vasta purschida da prestaziuns en relaziun cun la grondezza da la scola auta.»

Las expertas ed ils experts apprezieschan plinavant il svilup dinamic e reussì da la SAP dal Grischun durant ils ultims onns. Spezialmain accentuadas vegnan la «capacitad d’innovaziun tras il studi da master Stgalim secundar I per persunas cun in bachelor u master spezialisà», la «purschida considerabla da cussegliaziun e furmaziun supplementara» sco er il «portfolio da perscrutaziun e da svilup cleramain definì ed unic en ses gener».

Qualitad confermada: La SAP dal Grischun survegn puspè l’accreditaziun instituziunala

La Scola auta da pedagogia dal Grischun è danovamain accreditada instituziunalmain. Il Cussegl svizzer d’accreditaziun conferma uschia il sistem da management da qualitad da la SAP dal Grischun. Il team d’expertas ed experts externs appreziescha en spezial il svilup dinamic da la scola auta, sco era sias fermezzas en il studi, en la furmaziun supplementara ed en la perscrutaziun.

ulteriuras infurmaziuns

Contact

Ihr Browser (IE 11) ist leider zu alt und wird nicht mehr unterstützt.