Senza titel, 1994

Triptichon, serigrafia sin metal
2 parts, serigrafia sin metal

Da l’artista Leta Peer datti duas ovras a la SAPGR: Ina lavur en duas parts en il 2. plaun sin dus mirs ed in tripticon vi da la paraid da betun natiral sin la galaria dal plaun sisum ch’è oz part d’in chantun da seser. Peer ha fatg las ovras en la tecnica da serigrafia sin metal – ina procedura da stampar cun schablonas. Las ovras cuntegnan datas dal 1895 fin il 1994.

Ellas raquintan d’eveniments impurtants en l’istorgia da l’anteriura Scola da dunnas dal Grischun. Vitiers vegnan motivs da differentas culturas: vasas grecas d’arschiglia ch’èn ritgamain ornadas, mauns ornads cun Henna en il stil da Mehndis indics e Matrjoschkas, poppas da lain russas. Las descripziuns dals motivs ha Peer stampà sin la fanestras. Ella descriva els sco simbols che stattan per l’emprender, per la segirezza, per l’agir da maniera libra e per la varietad.

En furma da collaschas demussan quests elements istorgias cumplexas e creeschan in spazi da maletgs che collia il temp, la cultura e l’identitad. Las ovras envidan d’engrondir adina puspè in toc dapli l’agen orizont. (SP)