Concepziun dal cubus, 1994

Tuns da pastel sin sturs

Per la concepziun dal cubus dal pavigliun sco era dal local da material e d’urdains ha Adriana Mafalda Grass-Marques duvrà colur ed uschia dà in accent visual als edifizis da la SAPGR. Sin las plattas da sturs da las fatschadas sa derasa in gieu da colurs cun alv, mellen cler, mint, verd cler e blau cler. Ils tuns da pastel entran en in dialog ludic cun il grisch fraid dal betun natiral da l’edifizi principal. Uschia daventan las fatschadas funcziunalas e robustas art en l’architectura. (PS)