grossicorpirossi, 1999

Vegn il mument restaurà (betg al lieu)

Gruppa da sculpturas da 5 parts, rascha d’epoxid, poliuretan, pigment

Co che questa gruppa d’ovras da Miguela Tamò è vegnida a la SAPGR è impressiunant ed il resultat d’in engaschament extraordinari. Grossicorpirossi è ina da las paucas ovras che n’è betg vegnida creada explicitamain sco art en l’architectura. La docenta Barbara Redmann l’ha vis en in’exposiziun, è stada intgantada ed ha inizià l’onn 2002 la cumpra tras il chantun.

L’emprim èn ils tschintg objects stads endadens. Suenter l’engrondiment da la SAPGR tras Pablo Horváth, han els survegnì l’onn 2010 in nov plaz en il spazi exteriur tranter la mediateca ed ils auditoris. A l’artista plascha co che las furmas organicas ed il cotschen rumpan l’architectura grischa ed angulara e furman in cuntrast cumplementar cun il verd da la cuntrada.

La precisiun manuala è stada centrala per Tamò: Sin in’emprima furma da stiropor ha ella – en ina lavur a maun pretensiusa – dà si stresa per stresa rascha d’epoxid ch’ella ha colurà sezza, ha pulì la surfatscha e laschà sigillar ella cun poliuretan. Ils tschintg objects furman variaziuns d’ina furma fundamentala – sumegliants in a l’auter, dentant en nianzas finas differents ed unics sco ils individis d’ina gruppa. (SP)