Pensari, 2010

Dissegn da paraid, grafit en vernisch

Structuras finas sco nivlas cuvran paraids e palantschieus sur la stgala da la mediateca. Il dissegn da grafit da Lydia Wilhelm regorda a raits neuronalas – a diromaziuns da noss pensar – ed il medem mument a maletgs dal cosmos: Sumbrivadas e concentraziuns paran sco pulvra galactica e la glisch da stailas lontanas para da splendurar or dal center.

Cun sia ovra Pensari avra l’artista in mund imaginar, nua ch’il spazi da pensar ed il cosmos sa spievlan: in univers mental che collia il vesaivel e l’imaginabel. Sco ch’il dissegn illusionistic surmunta la limitaziun da l’architectura, po er il pensar surpassar cunfins. Cun metter en dumonda l’enconuschent e chattar ora da nov ils connexs. (NR)