Ils Sustainable Development Goals (SDGs) èn 17 finamiras per in svilup persistent e defineschan terms economics, ecologics e socials che duain vegnir cuntanschids fin l'onn 2030. Els furman il coc da l'agenda 2030, deliberada da tut ils commembers da las Naziuns unidas l'atun 2015. La SAP dal Grischun ha fixà quatter finamiras.
Ils SGDs e l'agenda 2030 furman il rom da referenza per la nova strategia Svilup durabel da la Confederaziun. Betg il davos per quest motiv e damai ch’ils SDGs persequiteschan il punct da partenza outside-in, èn els adattads sco orientaziun per la SAP dal Grischun.
Per la perioda da strategia 2021-2024 ans concentrain nus sin las suandantas quatter finamiras:
La SAP dal Grischun dat gronda valur a la participaziun ed a l’integraziun da las studentas e dals students. Mesiras e projects vegnan realisads da maniera che studentas e students fan experientschas ed enconuschientschas impurtantas ch’els san integrar da maniera raschunaivla en lur lavur d’instrucziun.
Als pleds suondan nossas acziuns. Scuvri noss projects da persistenza:
Enstagl dad agens vehichels da manaschi va la SAPGR la via dal Carsharing da Mobility. Ella è stada l’emprima scola auta da la Svizra ch’è sa participada cun agens lieus a la rait da sharing. In auto è in vehichel electric che va cun forza electrica ecologica. Tut ils viadis da servetsch èn cumpensads areguard il CO2. La SAP dal Grischun dispona d’ina atgna staziun da chargiar ch'è er accessibla publicamain.
Per cumplettar la flotta da vehichels, metta la SAP dal Grischun a disposiziun a sias collavuraturas ed a ses collavuraturs e-bikes per curts viadis da servetsch.
Nus ans engaschain da maniera activa per la reducziun da Foodwaste. Quai cuntanschain nus cun ina stretga collavuraziun cun il restaurant Scaläratreff e cun ina planisaziun a lunga vista.
Studentas e students, collavuraturas e collavuraturs pon giudair gratuit la fritga dal Plantahof.
La SAP dal Grischun emposta tar las la tscherna da products producents e furniturs regiunals.
L’iert cun avieuler vegn duvrà per la furmaziun da futuras persunas d’instrucziun e vegn mess a disposiziun ad uffants da scola da la regiun. La racolta da l’iert vegn nizzegiada dal restaurant Scaläratreff.
Studentas e students da la SAP dal Grischun han planisà e realisà in implant per rimnar l’aua da plievgia. Quest implant vegn utilisà per sauar l’iert d’instruir e d’emprender. Impurtant tar quest project è stà che l’idea saja transferibla era sin las plazzas da lavur futuras da studentas e students.
La SAP dal Grischun retira exclusivamain current dad energia renovabla.
Sin il tetg da la SAP dal Grischun è installà in implant solar. L’energia da quel vegn utilisada da la scola auta
Avais Vus ulteriuras ideas ch’ins savess realisar a la SAP dal Grischun? Nus essan mirveglius ed examinain gugent Vossas ideas.
Ihr Browser (IE 11) ist leider zu alt und wird nicht mehr unterstützt.