Ina furmaziun d'auta qualitad – SDG 4 (dimensiun sociala)
Garantir ina furmaziun inclusiva, eguala e d'auta qualitad e promover per tuts las pussaivladads da l’emprender per vita duranta.
La cuminanza internaziunala ha fatg endament l'impurtanza d'ina furmaziun da basa e professiunala d'auta qualitad. Ina furmaziun da basa e professiunala d'auta qualitad è centrala per meglierar las cundiziuns da viver dal singul, da las cuminanzas e da l'entira societad. La finamira 4 pretenda che tuts, uffants, giuvenils, persunas creschidas e cunzunt ils pli povers ed ils pli dischavantagiads survegnian in access ad ina furmaziun da basa e professiunala d'auta qualitad. Questa furmaziun duai s'orientar tenor lur basegns individuals e lur ambient da viver. Qua tras duai la furmaziun contribuir ad in mund segir, persistent ed interdependent.
La Svizra ha avantatgs cumparativs areguard ses sistems da la furmaziun professiunala (furmaziun professiunala duala) e da la furmaziun da basa (administraziun decentrala, passarellas, plurilinguitad). Cun ses engaschi promova la Svizra l'access ad ina furmaziun da basa d'auta qualitad per tuts sco era la coordinaziun tranter la furmaziun da basa, la furmaziun professiunala e l'integraziun socioprofessiunala e contribuescha uschia al svilup economic e social.[1]
[1] www.eda.admin.ch/agenda2023
Finamiras per la SAP dal Grischun:
La SAP dal Grischun rinforza ses sforzs d'enfin qua. Spezialmain: