Egualitad dals genders – SDG 5 (dimensiun sociala)
Cuntanscher l'egualitad dals genders e render ablas tut las dunnas e tut las mattas da decider sezzas.
L'inegualitad tranter las schlattainas è in dals pli gronds impediments per in svilup persistent, per ina creschientscha economica e per la reducziun da la paupradad. La finamira 5 pretenda l'egualitad da las schanzas dad um e dunna en il svilup economic, l'eliminaziun da tut las furmas da violenza cunter dunnas e mattas, inclusiv l'eliminaziun da maridaglias anticipadas e da maridaglias sfurzadas sco era la participaziun eguala sin tut ils stgalims.
Finamiras per la SAP dal Grischun
La SAP dal Grischun s'engascha per l'egualitad da las schlattainas tras l'egualitad da las pajas e tras l'egualitad da las schanzas tar l'occupaziun da plazzas. Ultra da quai promova ella la cumpatibilitad da la professiun cun la famiglia.