Data
05.09.2024
Temp
18:30 -
Lieu
Chur, RTR Radiotelevisiun Svizra Rumantscha, Masanserstrasse 2
Organisatur
Academia Raetica
Cuntegn dal program
La finamira da l’economia circulara è – cuntrari al model economic linear – da tegnair en circulaziun las chaussas ed ils materials uschè ditg sco pussaivel. Sch’in product duai duvrar uschè paucas resursas sco pussaivel durant l’entir ciclus da vita, dovri gia al cumenzament ina reponderaziun. Tar l’ecodesign vegnan ponderaziuns ch'èn relevantas per l’ambient integradas gia dal cumenzament en il svilup da products.
Davart il stadi actual e davart l’avegnir da l’economia circulara discutan or da vista da la perscrutaziun, da la construcziun, dal commerzi en detagl, dal turissem sco era da las finanzas – era cun in’egliada sin il Grischun:
- David Gartmann, Banca Chantunala Grischuna, spezialist persistenza
- Margrit Geiger, dipl. ing. architecta FH, activista d'arschiglia, ecobiologa da construcziun IBN
- Hans-Martin Heierling, spezialist da sport, dal commerzi en detagl e da chalzers da skis
- Prof. Aurelia Kogler, Scola auta spezialisada dal Grischun, professura per il turissem
- Prof. Dr. Tobias Luthe, SPF Turitg
Moderaziun: Barbara Haller Rupf, Academia Raetica
Public en mira
Occurrenza publica
Ciclus d’occurrenzas Café scientific Grischun
Cafés èn gia adina stads lieus d'inscunter bainvis per discutar davart fatgs actuals e per barattar opiniuns. En ils cafés scientifics discutan expertas ed experts cun il public davart temas scientifics ch'èn d' impurtanza spezialmain per il Grischun. Las occurrenzas han lieu mintgamai en differents lieus.
I sa tracta d'in discurs avert tranter tut las participantas ed ils participants. L'entrada è libra.
Inizianta e coordinatura
Il ciclus d'occurrenzas cun cafés scientifics, iniziada da la Fundaziun Science et Cité en divers lieus da scolas autas en Svizra, vulan pussibilitar a la populaziun il barat persunal cun las scienzas natiralas e cun las scienziadas ed ils scienziads da differents champs – cun la finamira da reducir las barrieras tranter la perscrutaziun a las scolas autas e la populaziun. En il barat direct daventa evident il niz general da la perscrutaziun en scolas autas ed en instituts da perscrutaziun. La colliaziun tranter il mintgadi ed ils resultats da la scienza daventa evidenta. Il ciclus d' occurrenzas vegn coordinà da l'Academia Raetica, da l'associaziun per promover la scienza, la perscrutaziun e la furmaziun en il chantun Grischun e ses conturn.