Sculptura e lavurs da mosaic, 1983

Incrustaziuns, crap da chaltschina, 1983/84 

La sculptura dad Adriana Grass-Marques caracterisescha l’entrada da la SAP dal Grischun dapi passa quaranta onns. Il cubus, che consista da dus blocs da crap geometrics, è in’ovra d’art ed a medem temp ina pussaivladad da seser, in lieu d’inscunter ed ina part da la vita quotidiana da la scola auta.

Il crap da chaltschina beige da la sculptura è medemamain da chattar en l’intern da l’edifizi: Er il palantschieu dal foyer è vegnì concepì da l’artista. Per quest intent ha ella fatg skizzas e sbozs detagliads sin palpiri da millimeter.

Lingias stgiras traversan tant la sculptura sco er il palantschieu. En moviments angulars portan ellas ina dinamica en il spazi cun ir per exempel da las paraids si. En l’architectura numn’ins quest vestgir artistic da paraids da crappa sco incrustaziun. L’art sa collia cun l’architectura. (SP)