Emprendai d'enconuscher la Scola auta da pedagogia dal Grischun en in'atmosfera informala e nunlianta e scuvri perspectivas professiunalas en l'instrucziun, la perscrutaziun e l'administraziun. Discurris Vus rumantsch, avais Vus ina stretga colliaziun cun la lingua e la cultura rumantscha ed avain nus sveglià Voss interess? Lura ans legrain nus da dastgar beneventar Vus ils 3 da settember 2026.
Data
03-09-2026
Temp
17:00 - 19:00
Annunzia
15-08-2026
Organisatur
SAP dal Grischun
La Scola auta da pedagogia dal Grischun instruescha, perscrutescha e creescha per tudestg, talian e rumantsch.
Ella è la suletta scola auta trilingua da la Svizra. Ils ultims onns è la scola creschida marcantamain grazia a novs studis, a studentas e students supplementars ed a projects da perscrutaziun reussids. Quai ha consequenzas per il basegn da persunal. Ils proxims onns vulain nus perquai investir intenziunadamain en l'acquisiziun ed il svilup da collavuraturas e collavuraturs cun cumpetenzas rumantschas e grond interess dal rumantsch. Per quest motiv organisain nus in’occurrenza che dat la pussaivladad d’emprender d’enconuscher ils champs da prestaziun da nossa scola e las vias da carriera pussaivlas.
Nus ans legrain sin Vus.
17:00 uras
Arrivada
17:15 uras
Preschentaziun dals differents champs da prestaziun e da las vias da carriera pussaivlas
18:00 uras
Apero riche cun la pussaivladad da sa barattar ed emprender d’enconuscher in l’auter
Per persunas che discurran rumantsch ed han ina stretga colliaziun cun la lingua e la cultura rumantscha.
Irina Lutz, co-manadra dal post da stab per linguas chantunalas
Il rumantsch ha ina impurtanza speziala a la Scola auta da pedagogia dal Grischun. Sco scola auta dal chantun triling ha ella la responsabladad da promover e sviluppar vinavant la lingua rumantscha. Ma co sa mussa quest engaschament en il mintgadi da la scola auta – e tge effectuescha el sur il campus ora?
ulteriuras infurmaziuns
Saja quai en l’instrucziun, la perscrutaziun, il manaschi da la scola auta u ils servetschs: A la SAP dal Grischun spetgan incumbensas multifaras, pussaivladads da svilup persunalas ed in ambient da lavur pluriling. Contribui Vossas fermezzas e faschai part da noss team.
ulteriuras infurmaziuns
Ihr Browser (IE 11) ist leider zu alt und wird nicht mehr unterstützt.