Projects da MINT

Cun la promoziun da MINT prenda la Scola auta da pedagogia dal Grischun en mira che persunas d’instrucziun futuras sco era talas cun experientscha enconuschan las novas tecnologias, las san applitgar ed utilisar en l’instrucziun. Las scolastas ed ils scolasts vegnan entusiasmads per cuntegns da MINT ed acquistan abilitads da promover questas cumpetenzas da lur scolaras e scolars.

Lavuratori d’innovaziun e lieu da scuntrada enina

Cun l’atelier da MINT è vegnì creà in lavuratori d’innovaziun a la SAP dal Grischun. Là pon persunas d’instrucziun, studentas e students, scolaras e scolars experimentar tant cun utensils digitals sco era cun utensils tradiziunals. Els rinforzan lur enconuschientschas e lur cumpetenza en il champ da MINT e sa barattan cun persunas spezialisadas da las cooperaziuns cun la SPF da Turitg, cun l’economia grischuna e cun autras instituziuns.

Questa purschida d’emprender dat novs impuls, porscha spazi per creativitad e metta a disposiziun ideas concretas per realisar l’instrucziun.

MINT en il champ extrascolar

i-CAMPs Kids

Programmar, giugar, cuminanza: Ils i-CAMPs GR Kids intermedieschan cumpetenzas che uffants e giuvenils (3. fin 9. classa) dovran per il futur. Las participantas ed ils participants han la chaschun da fufragnar en il mund da programmar, da rimnar experientschas impurtantas e da scuvrir novas chaussas. Programmar e tschertgar atgnas schliaziuns, quai fa plaschair.

i-CAMPs Kids 2025

CAMP DA SCRIVER 2025

Has ti il chau plain ideas e vuls crear cun quellas in’istorgia? Has ti gust da scriver, ma na sas betg co cumenzar? Dovras ti in lieu ideal per pudair glimar vi da tia istorgia?
Lura es ti tar nus exact en il dretg lieu.

Il camp da scriver ha lieu davent dals 5. - 7. d'avust 2025 a la SAP dal Grischun.

tar l'occurrenza

Emna da MINT dal Grischun

Durant l’emna da MINT dal Grischun collavuran emprendistas ed emprendists dad interpresas grischunas stretgamain cun studentas e students da la SAP dal Grischun e cun persunas d’instrucziun versadas. Els entusiasmeschan uffants e giuvenils per lavurs praticas, els programmeschan e construeschan ed instrueschan els communablamain en il manaschi al lieu. Scolaras e scolars primars da la 3. fin 6. classa han la pussaivladad da schlargiar lur cumpetenzas da MINT e da rimnar preziusas experientschas praticas.

Emna da MINT dal Grischun 2025

First Lego League (FLL)

Dapi 2008 sustegna la SAP dal Grischun ensemen cun la EMS Schiers e cun la FH Grischun il program da promoziun MINT «First Lego League» che vegn realisà internaziunalmain. La FLL è in program da promoziun che famigliarisescha uffants e giuvenils en in’atmosfera sportiva cun scienza e tecnologia, ch’als facilitescha l’access a roms da las scienzas natiralas e che sveglia a temp l’interess per professiuns d’inschigner u d’IT. Uffants e giuvenils vegnan uschia entusiasmads per scienza e tecnologia, vivan l’idea dal spiert da gruppa e vegnan animads da chattar schliaziuns creativas grazia ad incumbensas cumplexas.

Concurrenza regiunala da la First Lego League (FLL) 2025

Professura Didactica da la matematica

La professura per didactica da la matematica e la gruppa da lavur MINT s’engaschan per l’instrucziun e la perscrutaziun da matematica ed informatica. Las commembras ed ils commembers da la gruppa sa participeschan a differents moduls da matematica e d’informatica e porschan ultra da quai regularmain furmaziuns supplementaras. La perscrutaziun metta l’accent sin dumondas scientificas actualas davart l’instrucziun e l’emprender cun meds da matematica digitals e davart lieus d’emprender da MINT ordaifer la scola. Quai includa er il svilup e l’examinaziun d’ambients d’emprender digitals per l'instrucziun.

ulteriuras infurmaziuns

Contact

Leiter Professur Fachdidaktik Mathematik