Las rodas en il team davos la concurrenza da scriver èn gia puspè en gir. Strusch che l’8avla ediziun è passada, avain nus gia cumenzà cun la planisaziun da la 9avla ediziun da «PH Goes Poetry». Il Center da scriver da la SAP da Turitg e la SAP dal Grischun envidan d’inoltrar contribuziuns davart il tema actual da la concurrenza. L’interpretaziun dal tema surdain nus a vus.
Il tema da quest onn è «Quai ch’ans resta – Was uns bleibt – Che cosa ci rimane». Ina giuria da spezialists e spezialistas da slam sco era studentas e students, collavuraturas e collavuraturs dad omaduas scolas autas elegia ils megliers texts. Las persunas nominadas sa mesiran lura in cun l’auter l’atun 2025 durant il final en il «Kafi Schnauz». Cun questa chaschun vesain nus tgi che dat gas e tge text che vegn elegì en il Live-Voting dal public tranter ils megliers trais.
Inoltrar ils texts fin ils 31 da mars 2025 a Angelica Bühler.
Ulteriuras infurmaziuns tar la concurrenza da scriver e tar anteriuras occurrenzas èn da chattar qua.
1. plaz: 150 francs
2. plaz: 100 francs
3. plaz: 50 francs
Studentas e students, anteriuras studentas e students e collavuraturas e collavuraturs dad omaduas SAP’s e participantas e participants dal modul da CAS «Literarisches Schreiben» han il dretg da sa participar.
Per sa participar al poetry slam na dovri naginas enconuschientschas da basa litteraras. Quai che vegn apprezià è plitost la varietad dals temas preschentads sco era la moda creativa da s'exprimer da las participantas e dals participants.
Ils texts nominadas pon era vegnir performads d’in slammader/d’ina slammadra al final (e betg da l’autur:a)
Nel 2025 il tema del poetry slam è “Che cosa ci rimane”, un’occasione di scrittura che può diventare riflessione profonda sulla vita, sul tempo e sulla speranza ma che vuole anche favorire la creatività e l’espressione artistica delle e dei partecipanti a comporre un racconto di narrativa.
Las contribuziuns da las victuras e dals victurs davart il tema «Being young» (esser giuven).
Poetry slam è in moviment litterar che ha ses origin en l’America e ch’è entant sa derasà en tut il mund. En il rom da concurrenzas publicas, ils uscheditgs slams, sa scuntran poetessas e poets in cun l'auter per intgantar il public cun lur art. En in temp limità preschentan quels lur agens texts, sa servind d'ina lingua simpla e chapaivla per intermediar lur messadi en ina moda uschè impressiunanta sco pussaivel.
Ils temas dals texts da slam tanschan d'experientschas da la vita quotidiana fin a dumondas socialas. La particularitad è l'interacziun directa tranter las artistas ed ils artists ed il public che sa participescha a l'occurrenza. Cun surdar puncts valitescha il public las represchentaziuns e contribuescha uschia dad eruir la victura u il victur. Quai stgaffescha in'atmosfera viva e fa dal slam poetry ina furma unica da l'expressiun litterara.
Ihr Browser (IE 11) ist leider zu alt und wird nicht mehr unterstützt.