Per incumbensa da l'Uffizi per la scola populara organisescha la SAP dal Grischun purschidas da perfecziunament e da network per las persunas d'instrucziun e las direcziuns da scolas e da classas bilinguas da tut ils stgalims da la scola populara. Las purschidas èn etappadas e divididas tematicamain per avair in effect uschè persistent sco pussaivel e per satisfar a l'eterogenitad tranter las differentas chasas da scola e las persunas che sa participeschan al curs.
La purschida da furmaziun supplementara concepida da la SAP dal Grischun prevesa per ils onns da scola 2023/24, 2024/25 e 2025/26 (e per part ultra da quai) purschidas da perfecziunament e da network en differents formats da curs. Per cuntanscher in effect uschè persistent sco pussaivel, èn las purschidas etappadas e cuntegnan perfecziunaments en il team da scola e perfecziunaments individuals (obligatorics) sco era pussaivladads per la cussegliaziun didactica e per il svilup d’ina rait per scolas e classas bilinguas en il Grischun.
Il matg 2023 ha gì lieu l’introducziun en la purschida da furmaziun supplementara da plirs onns en furma d'ina occurrenza da partenza cun tut las direcziuns da scola involvidas. Questa occurrenza ha en emprima lingia gì la finamira da rimnar ils basegns e giavischs da las differentas scolas or da la perspectiva da las direcziuns da scola.
Il punct da vista da las persunas d'instrucziun è vegnì eruì cun in questiunari.
Sin basa dals resultats dal discurs cun las direcziuns da scola e sin basa da l'evaluaziun dals questiunaris è vegnida creada ina purschida da furmaziun supplementara sin mesira. Plinavant è vegnida creada ina purschida da network cun la finamira da promover il barat e la collavuraziun. Las emprimas purschidas da perfecziunaments individuals stattan a disposiziun a partir dal 2025.
L’introducziun da la purschida da plirs onns è stada gievgia, ils 4 da matg 2023 a la SAP dal Grischun. Ensemen cun ils responsabels dal project da la SAP dal Grischun e cun la represchentanza da l’USS, sco era cun tut las direcziuns da las scolas envidadas, è vegnì mess il fundament per las purschidas futuras da perfecziunament e da network.
Mintga team da scola (u unitads internas sco p.ex. tut las persunas d'instrucziun dal ciclus 1), che sa participescha al project, absolva ensemen ina furmaziun supplementara davart in tema tschernì. La realisaziun da la furmaziun supplementara cun l'entir team da scola duai gidar a promover la cuminanza ed a rinforzar las valurs e las finamiras communablas. La furmaziun po vegnir realisada al lieu en las scolas u a la SAP dal Grischun a Cuira. Suenter il curs da mez di sut la direcziun da la SAP dal Grischun, vegn l’incumbensa, ch’è vegnida surdada durant il curs, elavurada da maniera autonoma en ils teams durant in segund mez di.
Las direcziuns da las scolas fixeschan ensemen cun la direcziun dal project Bilingua da la SAP dal Grischun ils termins ed ils temas. Fixar ad uras il termin dat dapli segirezza da planisaziun.
Durant ils onns da scola 24/25 e 25/26 èn publitgadas qua diversas purschidas da curs. Questas purschidas da furmaziun supplementara n'èn betg a la fin.
Avais Vus in giavisch concret concernent la purschida da furmaziun supplementara? Alura na targlinai betg ed al "bittai" en la box da giavischs.
01.04.2025 (17:00 - 18:00 Uhr)
Das Förderkonzept SPRINT "bewegungsorientierte Sprachförderung" (durchgeführt)
10.04.2025 (17:00 - 19:00 Uhr)
Sprint-Konzept - effektive Strategien der Sprachförderung anwenden (durchgeführt)
28.04.2025 / 16.06.2025 (17.00 - 20:00 Uhr)
Das Sprachförderkonzept Sprint im Unterricht einsetzen (durchgeführt)
30.04.2025 (13:30 - 17:00 Uhr)
Introduzione al mezzo didattico Orbita per scuole bilingui (abgesagt)
12.11.2025 / 19.11.2025 (13:30 - 17:00 Uhr)
DaZ-Kompetenzen zuverlässig erheben mit der Profilanalyse (durchgeführt)
15.11.2025 (08:30 -17:00)
Costruire un Kamishibai per l'insegnamento (abgesagt)
03.12.2025 (13:30 - 17:00)
Mehrsprachiges Storytelling interaktiv (abgesagt)
14.01.2026 (13:30 - 17:00)
Mehrsprachiges Storytelling interaktiv (durchgeführt)
18.03.2026 (13:30 - 17:00)
Improvisation - kreative Spielfreude ohne Sprachgrenzen (durchgeführt)
25.03.2026 (13:30 -17:00)
Improvisation - kreative Spielfreude ohne Sprachgrenzen (durchgeführt)
11.04.2026 (08:30 - 17:00)
Sprachkompetenz als Schlüssel zu erfolgreichem Mathematiklernen (durchgeführt)
Tut las chasas da scola cun purschidas bilinguas pon profitar d'ina cussegliaziun didactica - finanziada dal chantun - en connex cun temas individuals. La premissa è che las chasas da scola che sa participeschan han frequentà ordavant il perfecziunament en il team da scola. Tut las ulteriuras chasas da scola pon far diever facultativamain da la cussegliaziun (il chantun na surpiglia dentant betg ils custs). Las cussegliaziuns han mintgamai lieu tenor tscherna a la SAP dal Grischun u al lieu en las chasas da scola.
Contact:
Secretariat furmaziun cuntinuada
weiterbildung@phgr.ch
+41 81 354 03 06
La collavuraziun ed il barat tranter ils teams da las chasas da scola da las scolas e da las classas bilinguas n'èn fin ussa betg instituziunalisads. Perquai vegn creada en il rom dal project Bilingua– ultra da las diversas purschidas da perfecziunament – ina purschida correspundenta. En quest connex survegnan tut las persunas participadas la pussaivladad d’ina colliaziun surregiunala.
Avais Vus ulteriuras ideas per ina purschida da furmaziun supplementara u da curs che la SAP dal Grischun na porscha anc betg? Lura ans scrivai. Nus ans legrain da Vossa proposta.
Ihr Browser (IE 11) ist leider zu alt und wird nicht mehr unterstützt.