Access al studi da bachelor

Curs preliminar

Vus absolvais il curs preliminar en l’ambient famigliar da la EMS Schiers. El sa cumpona d’instrucziun en preschientscha e dal studi autodidactic:  

• Instrucziun en preschientscha: ca. 20 lecziuns per emna en la lingua da scola (tudestg, rumantsch u talian), lingua estra, matematica, scienzas da la natira e scienzas umanas / scienzas socialas, musica e sport. 
• Studi autodidactic: ca. 20 uras per emna (dependent da la furmaziun preliminara) 

In’activitad professiunala reducida da 20% fin 40% è pussaivla.  

Il curs preliminar dad in onn cuzza d’avust fin zercladur da l’onn proxim. Tgi che dumogna ils examens finals, po cumenzar il settember il studi a la SAP dal Grischun. Per quel As stuais danovamain s’annunziar.  

Admissiun al curs preliminar senza examen d’admissiun  

• Maturitad professiunala (fin 3 onns veglia) 
• Certificat da scola media spezialisada (fin 3 onns vegl) 
   

Admissiun al curs preliminar cun examen d’admissiun  

• 2 onns experientscha professiunala e finiziun da l’emprendissadi (AFQ)  
• Maturitad professiunala (passa 3 onns veglia) 
• Certificat da scola media spezialisada (passa 3 onns vegl) 

L’examen d’admissiun cumpiglia  

• Examen en la lingua da scola (emprima lingua)
• Examen da matematica  
• Ev. examen d’ina lingua estra (segunda lingua; vesair sut linguas) 

Linguas dal curs preliminar:  

• Il curs preliminar vegn fatg per tudestg. 
• Per candidatas e candidats cun lingua da scola (emprima lingua) talian è la lingua estra (segunda lingua) tudestg. 

L’access al curs preliminar pretenda in B1 resp. B2 en la lingua estra tschernida:  

• certificat u 
• examen d’admissiun a scrit a la Scola media evangelica Schiers. 
• candidatas e candidats cun lingua da scola (emprima lingua) talian e rumantsch dal chantun Grischun: certificat sin nivel B1
• candidatas e candidats cun lingua da scola (emprima lingua) talian cun sedia ordaifer il Grischun: certificat sin nivel B2