Studi da bachelor
Scola primara (1. – 6.)

Sco scolast/a dal stgalim primar instruis Vus uffants da l’emprima fin sisavla classa. Vus stgaffis chaschuns d’emprender cun las qualas las scolaras ed ils scolars pon sa sviluppar da maniera optimala. La Scola auta da pedagogia As prepara sin l’instrucziun en tut ils roms dal plan d’instrucziun e pussibilitescha d’applitgar models teoretics da maniera pratica.

Cumenzament

12 da settember 2022

Durada

6 semesters (temp cumplain)
8 semesters (temp parzial)

Annunzia

30 da zercladur 2022

Lingua

Rumantsch, tudestg, talian

Dimensiun

180 puncts ECTS

Taxa da semester

CHF 650.–

La SAP dal Grischun porscha

  • in’atmosfera d’emprender famigliara
  • ina colliaziun da teoria e pratica
  • in diplom d’instrucziun renconuschì en l’entira Svizra
  • in context pluriling
  • in campus attractiv
  • la pussaivladad da far in diplom biling

Vus avais

  • mirveglias e motivaziun d’emprender
  • plaschair d’ina professiun cun uffants
  • interess multifars 
  • creativitad ed abilitads organisatoricas 
  • la furmaziun preliminara necessaria (vesair admissiun)

Infurmaziuns

La lavur cun ils uffants ma stat a cor. Avant mes studi da scolast primar hai jau fatg in emprendissadi commerzial ed hai lavurà pli che diesch onns en quest champ. Las enconuschientschas acquistadas sai jau duvrar per mia nova occupaziun – sper la savida da basa pedagogica e quella dal rom e da la didactica dal rom.

Manuel Mark, student

Studienaufbau Vollzeit RM

Onn da basa
Onn d’approfundaziun
Onn da pratica

Las studentas ed ils students dals dus studis da bachelor frequentan communablamain l’onn da basa. Fin al cumenzament dal segund semester pon las studentas ed ils students midar il studi da bachelor senza dischavantatgs.  

Semester 1
Semester 2

preparaziun, emna d’introducziun ed ateliers  

  • Avant che cumenzar il studi: duas emnas da preparaziun facultativas en il champ art ed activitad creativa 
  • Emna d’introducziun: emprima survista dal studi 
  • Las mesemnas: visitas da classas da scola en gruppas pitschnas (rimnar emprimas experientschas d’instruir) 
  • Fin dal semester: dus dis ospitaziun sin in stgalim da scola anc betg enconuschent 

dis da bloc, praticum e discurs da verificaziun 

  • Avant che cumenzar il semester: mintgamai tschintg dis en bloc en scienzas d’educaziun e matematica 
  • Mesadad da matg: emprim grond praticum (per regla en dus); las studentas ed ils students instrueschan lecziuns en roms tschernids 
  • Tschintg dis da bloc en natira, uman e societad 
  • Discurs da verificaziun: examinar la qualificaziun professiunala 

Las studentas ed ils students s’approfundeschan en lur stgalim en mira e han numerusas opziuns d’elecziun.

Semester 3
Semester 4

emna da cultura, seminaris specifics per il stgalim en mira e praticum  

  • Cumenzament dal semester: tschintg dis da bloc en natira, uman e societad e tschintg dis en bloc cultura linguistica (savens en l’exteriur) 
  • Seminaris specifics per il stgalim en mira (qvd. nagins moduls che cumpiglian plirs stgalims) 
  • Cumenzament da la lavur da bachelor 
  • Schaner: praticum da quatter emnas (en dus); las studentas ed ils students instrueschan en quest connex plirs roms 

 

grondas pussaivladads da tscherna u semester ospitant facultativ  

  • Tscherna tranter duas fin trais variantas per modul (uraris individuals) 
  • Facultativ: frequentar il quart semester en ina scola auta en Svizra u a l’exteriur 
  • Quatter giadas tschintg dis da bloc en differents champs (cun pussaivladads da tscherna) 
  • Durant la stad: segiurn linguistic da quatter emnas (u renconuschientscha d’in segiurn linguistic gia prestà) 

Las studentas ed ils students absolvan trais praticums durant in semester e sa preparan sin la midada en la professiun sco persuna d’instrucziun.  

Semester 5
Semester 6

semester da la pratica professiunala e terminaziun da la lavur da bachelor  

  • Avust fin december: dus praticums (individuals) 
  • Emprim praticum: las studentas ed ils students instrueschan la mesadad da las lecziuns da lur classa  
  • Segund praticum: midada da la classa. Las studentas ed ils students instrueschan trais quarts da las lecziuns da lur classa. 
  • Fin la mesadad da favrer: terminaziun da la lavur da bachelor, tschintg dis da bloc en il champ art ed activitad creativa 

 introducziun en la professiun, praticum da diplom e festa da diplom  

  • Suenter il SPP nizzegian las studentas ed ils students las pussaivladads da respunder lur dumondas resultadas en la pratica cun agid dad enconuschientschas teoreticas.  
  • Candidaturas per ina plazza  
  • Preparaziun per la futura vita professiunala  
  • Praticum da diplom: Las studentas ed ils students instrueschan tut las lecziuns da lur classa da praticum e cumprovan lur abilitads durant in di d’examen.  
  • Festa da diplom: terminaziun dal studi 
  • Introducziun en la professiun da trais dis per absolventas ed absolvents ch’èn emploiads en il chantun Grischun. 

Studienaufbau Teilzeit RM

Onn da basa
Onn d’approfundaziun I
Onn d’approfundaziun II
Onn da pratica

Las studentas ed ils students elavuran la basa che cumpiglia plirs stgalims per lur studi da quatter onns.  

Semester 1
Semester 2

preparaziun, dis d’introducziun ed atelier

  • Avant che cumenzar il studi: en tut 6 dis da bloc facultativs en il champ art ed activitad creativa 
  • Emna d’introducziun: emprima survista dal studi 
  • Las mesemnas: visitas da classas da scola en gruppas pitschnas (rimnar emprimas experientschas d’instruir) 
  • Fin dal semester: dus dis ospitaziun sin in stgalim da scola anc betg enconuschent 

dis da bloc, praticum e discurs da verificaziun 

  • Avant che cumenzar il semester: mintgamai tschintg dis da bloc en scienzas d’educaziun e matematica 
  • Mesadad da matg: emprim grond praticum (per regla en dus); las studentas ed ils students instrueschan lecziuns en roms tschernids 
  • Trais dis da bloc en natira, uman e societad 
  • Discurs da verificaziun: examinar la qualificaziun professiunala 

Las studentas ed ils students s’approfundeschan en lur stgalim en mira. 

Semester 3
Semester 4

emna da cultura e seminaris specifics per il stgalim en mira

  • Cumenzament dal semester: trais dis da bloc en natira, uman e societad e trais dis da bloc cultura linguistica per mintga lingua estra 
  • Seminaris specifics per il stgalim en mira (qvd. nagins seminaris che cumpiglian plirs stgalims) 
  • Praticum (en dus): las studentas ed ils students instrueschan plirs roms  
  • Durant la stad: segiurn linguistic da quatter emnas (u renconuschientscha d’in segiurn linguistic gia prestà) 

Las studentas ed ils students han numerusas opziuns durant il segund onn d’approfundaziun. 

Semester 5
Semester 6
  • Scriver la lavur da bachelor davart in tema tschernì sez  
  • Elavuraziun d’in project persunal da la pratica professiunala 

grondas pussaivladads da tscherna u semester ospitant facultativ

  • Tscherna tranter duas fin trais variantas per seminari (uraris individuals) 
  • Quatter giadas tschintg dis da bloc en differents champs 

Las studentas ed ils students absolvan dus gronds praticums durant in semester e sa preparan sin la midada en la professiun sco persuna d’instrucziun.   

Semester 7
Semester 8

semester da la pratica professiunala

  • Avust fin december: dus praticums (individuals) 
  • Emprim praticum: las studentas ed ils students instrueschan la mesadad da las lecziuns da lur classa 
  • Segund praticum: midada da la classa. Las studentas ed ils students instrueschan trais quarts da las lecziuns da lur classa. 
  • Tschintg dis da bloc en il champ natira, uman, societad  

introducziun en la professiun, examens finals e festa da diplom  

  • Candidaturas per ina plazza  
  • Preparaziun per la futura vita professiunala  
  • Praticum da diplom: Las studentas ed ils students instrueschan durant ils trais dis da preschientscha tut las lecziuns da lur classa da praticum e cumprovan lur abilitads durant in di d’examen.  
  • Festa da diplom: terminaziun dal studi 
  • Introducziun en la professiun da trais dis per absolventas ed absolvents ch’èn emploiads en il chantun Grischun. 

Studienmodelle (Vollzeit und Teilzeit) RM

Differenzas tranter temp cumplain / temp parzial  

Durada  

3 onns  / 4 onns 

Dis da preschientscha 

Glindesdi fin venderdi  / Glindesdi fin mesemna 

Dimensiun 

180 puncts ECTS / 180 puncts ECTS 

Linguas da scola 

DE, IT, IT/DE u RM/DE / Tudestg

Linguas estras 

1 fin 3 linguas estras / 1 fin 3 linguas estras 

Seminaris e prelecziuns  

12 emnas per semester / 12 emnas per semester

Praticums & instrucziun da bloc 

ca. 4 emnas per semester / ca. 6 emnas per semester 

 

Il dumber total dals dis da preschientscha e pli pitschen per las studentas ed ils students che studegian a temp parzial. Persuenter cumpiglian ils dis da preschientscha durant il studi parzial dapli lecziuns e la cumpart dal studi autodidactic è levamain pli auta spezialmain tar l’instrucziun da bloc. Aritmeticamain correspundan 3 dis preschientscha dal studi parzial a 3.5 dis da preschientscha dal studi cumplain. 

 

Midada tranter temp cumplain e temp parzial  


Las studentas ed ils students pon midar en la mesadad dal studi tranter temp cumplain e temp parzial: 
 

  • 3 semesters temp cumplain + 1 semester pausa + 4 semesters temp parzial = 8 semesters 

u 

  • 4 semesters temp parzial + 1 semester pausa + 3 semesters temp cumplain = 8 semesters 

Sche la lingua da scola è tudestg, lura è la midada pussaivla senza dischavantatgs.  

 

Furmas da modul tar temp cumplain e temp parzial  


Studentas e students a temp parzial han ina pli gronda cumpart dad instrucziun da bloc. Las prelecziuns ed ils seminaris absolvan els
 

  • Durant ils emprims trais semesters a medem temp cun las studentas ed ils students en temp cumplain che cumenzan il studi il medem mument  
  • Durant ils ultims trais semesters a medem temp cun las studentas ed ils students en temp cumplain che termineschan il studi il medem mument. 

Temps da studi (semester e vacanzas)

Datas da semester 

  • Praticums ed instrucziun da bloc cumenzan il pli baud en l’emna 34.  
  • L’atun han seminaris e prelecziuns lieu da l’emna 38 fin 50.  
  • La primavaira han seminaris e prelecziuns lieu da l’emna 7 fin 19.  
  • Praticums, instrucziun da dis en bloc ed examens fineschan il pli tard l’emna 27. 

 

Datas da vacanzas  

  • 6 emnas durant la stad da l’emna 28 fin 33  
  • 1 emna l’atun  
  • 2 emnas sur Nadal e Bumaun  
  • 1 emna immediat suenter Pasca  
  • Ulteriuras emnas dependent da l’onn da studi, da l’elecziun da variantas e da l’organisaziun autonoma  

 

 

Ils seminaris obligatorics han lieu da glindesdi fin venderdi tranter las 8.15 e las 16.45 uras. En las uras a l’ur frequentan las studentas ed ils students curs da lingua facultativs ch’èn gratuits.  

Studieninhalt (Modulplan und Kreditpunkte) RM

Puncts da credit tenor il European Credit Transfer System (ECTS): 

  • Il studi cumpiglia 180 puncts ECTS.  
  • 1 punct ECTS correspunda a var 25 uras lavur.  
  • Var la mesadad da la lavur ha lieu en il modus da preschientscha. 
  • Mintga semester a temp cumplain cumpiglia 30 puncts ECTS. 
  • Ils semesters a temp parzial cumpiglian en media 22.5 puncts ECTS 

 

Ils puncts ECTS èn distribuids sin  

  • Furmaziun pratica professiunala  
  • Scienzas d’educaziun 
  • Scienzas e didacticas dal rom (tenor Plan d’instrucziun 21) 

Admissiun

Admissiun al studi da bachelor  

  • Maturitad gimnasiala  
  • Diplom da scola auta  
  • Maturitad spezialisada pedagogia  
  • Examen final dal curs preliminar (cun u senza curs preliminar) 

 

Admissiun al curs preliminar  

  • Scola media spezialisada  
  • Maturitad professiunala  
  • Emprendissadi e dus onns experientscha 

 

Examinaziun individuala 

  • Diploms esters  

Annunzia

L’annunzia per il studi da bachelor è pussaivla fin ils 30 da zercladur da l’onn correspundent. Persunas interessadas al studi pon s’annunziar a partir da l’october da l’onn precedent ed inoltrar suenter ils documents cumplets per accumplir las cundiziuns d’admissiun. 

Cumbinaziuns da linguas

Cumbinaziuns da linguas (Link)

Las studentas ed ils students dal studi scola primara elegian tranter differentas cumbinaziuns da linguas. Els acquistan tenor libra tscherna qualificaziuns d’instruir en ina, duas u trais linguas estras.  

Temp cumplain 

Linguas da scola / Linguas estras obligatoric

  • Tudestg / Englais, Franzos u Talian
  • Talian / Tudestg
  • Tudestg e Talian  / Tudestg u Talian
  • Tudestg e Rumantsch / Tudestg

180 puncts ECTS 

Linguas estras facultativ (Puncts ECTS supplementars):

  • Tudestg
  • Englais
  • Franzos
  • Talian

Tip: Studentas e students cun las linguas da scola tudestg e talian pon acquistar cun totalmain 182 puncts ECTS ina qualificaziun d’instruir en la lingua estra tudestg ed en la lingua estra talian.  

Avis: Studentas e students cun lingua da scola talian frequentan per part prelecziuns, seminaris ed instrucziun da bloc per tudestg. En vista ad in success da studi, vegn recumandà in nivel da C1 en tudestg. 

Temp parzial 

Linguas da scola / Linguas estras obligatoric 

  • Tudestg / Englais
  • Tudestg / Franzos
  • Tudestg / Talian

180 puncts ECTS 

Linguas estras facultativ (Puncts ECTS supplementars):

  • Talain
  • Englais
  • Franzos  

Instrucziun instrumentala

Las studentas ed ils students frequentan durant quatter semesters instrucziun individuala en in dals suandants quatter instruments:  

  • Flauta 
  • Chant 
  • Ghitarra 
  • Clavazin  

L’accent vegn mess sin l’accumpagnament da chanzuns. Studentas e students che san gia sunar in instrument, san tenor libra tscherna approfundar lur cumpetenzas u emprender in ulteriur instrument.  

Downloads

Grazia a la furmaziun da la pratica professiunala sai jau colliar la savida teoretica directamain cun la pratica. Ils engaschis en stanza da scola gidan da sa preparar da maniera optimala sin l’entrada en la professiun. Docentas e docents sco era menturas e menturs accumpognan e sustegnan questa furmaziun.

Sabrina Schneller, studenta

Il studi a la Scola auta da pedagogia a Cuira ma porscha la pussaivladad unica da survegnir in diplom biling. Cun quest diplom sai jau instruir en il futur tant en la Svizra taliana sco er en la Svizra tudestga.

Valentina Perriard, studenta

Contact

Ihr Browser (IE 11) ist leider zu alt und wird nicht mehr unterstützt.