Occurrenza
Di da fufragnar: studis da bachelor scolina e scola primara

Durant noss di da fufragnadi survegnis Vus la pussaivladad unica da fufragnar l’aria da scola auta.

Data

24-02-2027

Temp

08:30 - 16:00

Lieu

Pädagogische Hochschule Graubünden, Chur

Organisatur

PH Graubünden

Viver in ad in il mintgadi da studi

  • Co vesa il mintgadi da studi or a la Scola auta da pedagogia dal Grischun?
  • Tge schabegia durant ina lecziun?
  • Co sa preschenta il campus?
  • Tge persunas studegian ed instrueschan a la SAP dal Grischun?
  • Co è il studi structurà?
  • As interessais Vus per in studi ed avais anc dumondas davart Voss studi desiderà?
  • Vulais Vus survegnir in'invista autentica en noss mintgadi da studi?


As approfundai en il mund captivant da l'instruir e da l'emprender

Vivai in ad in il studi da bachelor ils 18 da favrer. Visitai l'instrucziun, As barattai persunalmain cun autras studentas e students e faschai Vossas dumondas a nossas docentas ed a noss docents ed a las manadras ed als manaders dals studis. 

Nus ans legrain da pudair emprender d'enconuscher Vus persunalmain e d'As metter a disposiziun tut las infurmaziuns che Vus duvrais per Vossa tscherna da studi.

Program

  • A partir da las 08:30 uras: arrivar e café en il foyer

  • 09:00 uras: infurmaziuns davart il studi en l'auditori 

  • Ab 10:15 uras: visitar moduls tenor schelta 

  • 12:00 uras: gentar en la mensa cun il cussegl da las studentas e dals students (Stura)

  • A partir da las 13:00 uras: visitar moduls e guidas sin il campus 

  • 15:30 uras: runda da dumondas e finiziun en il scenari d'emprender (fin las 16:00 uras)

 

Cussegliaziun persunala

Nus savain che la tscherna dal studi è ina decisiun impurtanta. Perquai As stattan nossas studentas e noss students gugent er a disposiziun per dumondas persunalas. Profitai e nizzegiai la chaschun d'As barattar directamain cun els ed uschia vegnir a savair dapli dal mintgadi da studi, da praticums en Svizra ed a l'exteriur, da moduls opziunals, da diploms d'instrucziun plurilings e da bler auter.

Public en mira

Persunas interessadas als studis da bachelor.



Annunzia

A partir dal december sin questa pagina.

Studis

Daventar persuna d'instrucziun - studi da bachelor: Scolina e scola primara (1.–2.)

Vulais Vus daventar scolast:a e promover ed accumpagnar uffants da la scolina fin en la segunda classa? Sco persuna d’instrucziun gidais Vus ils uffants da sa sviluppar tenor lur preferenzas. A la Scola auta da pedagogia dal Grischun (SAPGR) emprendais Vus co elavurar cuntegns da maniera didactica e co stgaffir in’atmosfera positiva en stanza da scola.

ulteriuras infurmaziuns

Daventar persuna d'instrucziun - studi da bachelor: Scola primara (1.–6.)

Daventai scolast:a per la scola primara ed accumpagnai uffants da l’emprima fin sisavla classa. Vus stgaffis chaschuns d’emprender cun las qualas las scolaras ed ils scolars pon sa sviluppar da maniera optimala. La Scola auta da pedagogia (SAPGR) As prepara sin l’instrucziun en tut ils roms dal plan d’instrucziun e pussibilitescha d’applitgar models teoretics da maniera pratica.

ulteriuras infurmaziuns

Tge fa il studi uschè unic?

Contact

Ihr Browser (IE 11) ist leider zu alt und wird nicht mehr unterstützt.