Linguas avran portas - cunzunt sch'ellas vegnan emprendidas cun plaschair. Dapi ventg onns stat la dieta spezialisada DaZ da la SAP dal Grsichun per barat, inspiraziun ed orientaziun a la pratica. A chaschun dal giubileum ha ella envidà persunas d'instrucziun, direcziuns da scola e persunas interessadas dal fatg ils 14 da mars 2026 a Cuira.
Cun il titel «Emprender DaZ a moda ludica! - Martgà da las pussaivladads» han las numerusas participantas ed ils numerus participants da la dieta da giubileum scuvert impuls ludics per l'instrucziun da DaZ. En il center èn stadas diversas activitads sco er material d'instrucziun e d'emprender varià per in'instrucziun da DaZ motivanta. Persunas dal fatg da chasas edituras centralas per meds d'instrucziun han preschentà material interessant a moda pratica ed han mussà co che las metodas ludicas pon vegnir integradas senza problems en l'instrucziun DaZ, en classas regularas ed en l'instrucziun integrativa. Uschia èn naschids lieus plain ideas che las persunas d'instrucziun pon transferir directamain en lur mintgadi da scola.
L'entschatta ha fatg la fonetichera renumada prof. dr. Kerstin Reinke cun ina keynote davart l'intermediaziun da la pronunzia a moda ludica. Ella ha mussà co ch'il trenament lev promova il plaschair da communitgar e la segirezza da s'exprimer - davent da l'entschatta e sur tut ils stgalims da vegliadetgna.
Silsuenter han lavuratoris purschì impuls u respostas a dumondas sco: Co sa lascha trenar da tadlar tiers, sche la chapientscha auditiva è difficila? Co pon ins dar vita al stgazi da pleds e la grammatica tras il moviment, ils gieus u medias digitalas? Tge metodas promovan la cumpetenza linguistica e la collavuraziun a medem temp?
Il punct culminant cultural per il 20avel anniversari da la dieta DaZ ha furmà la prelecziun interactiva da l'enconuschent autur da cudeschs d'uffants Frank Kaufmann. Cun ses cudesch «Tsozo und die fremden Wörter» ha el intgantà il public ed al ha integrà activamain en l'istorgia, uschia ch'ins ha pudì sentir directamain in diever multifar da la lingua.
Sprache ist der Schlüssel für Bildung und Integration. Als Lehrperson fördern Sie fremdsprachige Schüler:innen gezielt beim Erwerb der deutschen Sprache. Mit dem Zertifikatslehrgang DaZ sprechen wir sowohl Lehrpersonen von Deutsch als Zweitsprache als auch Lehrpersonen an, die mit sprachlich und kulturell heterogenen Klassen im Rahmen des Deutschunterrichts integrativ arbeiten.
ulteriuras infurmaziuns
Ihr Browser (IE 11) ist leider zu alt und wird nicht mehr unterstützt.