Intervista
Promover e sustegnair experientschas da mobilitad 

Experientschas e programs da barat internaziunals schlargian l'orizont – persunal, linguistic e pedagogic. En l'intervista dat Fabiana Calsolaro, coordinatura per la mobilitad a la Scola auta da pedagogia dal Grischun, invista en pussaivladads e schanzas da la mobilitad.

Pertge sa cunvegn la mobilitad?

La SAP dal Grischun vul mussar a sias studentas ed a ses students ad uras las schanzas d’experientschas da mobilitad e svegliar lur interess per quai. Las experientschas da mobilitad èn oz ina part centrala da la furmaziun professiunala. En la furmaziun da scolastas e scolasts porschan segiurns en autras instituziuns, regiuns u pajais la pussaivladad d’emprender d'enconuscher differents sistems. Il medem mument promovan els la cumpetenza linguistica, la sensibilitad interculturala e l’abilitad da reflectar. La mobilitad promova l’independenza, la capacitad da s’adattar e la cumpetenza da schliar problems – tut abilitads ch’èn impurtantas tant en la professiun sco er en il mintgadi.

Co sustegna la SAP dal Grischun las studentas ed ils students u las collavuraturas ed ils collavuraturs en il champs da mobilitad?

Las studentas ed ils students da la SAP dal Grischun pon absolver il quart semester dal studi da bachelor en ina scola auta partenaria en Svizra, en l’Europa ed en l’entir mund. Plinavant datti ulteriuras purschidas da mobilitad en scolas autas da la Svizra u en scolas autas partenarias da l’exteriur. L’International Office (IO) da la SAP dal Grischun coordinescha ils partenadis e cusseglia persunas interessadas. El è era l’emprim post da consultaziun per tut las studentas e tut ils students externs che s’interessan per in semester da barat u per in program da curta durada.

Vegnan experientschas da mobilitad era sustegnidas finanzialmain?


L’International Office da la SAP dal Grischun collavura cun l’agentura naziunala Movetia ch'agescha per incumbensa da la confederaziun. Movetia promova e sustegna era finanzialmain projects da barat en il champ da furmaziun.

La mobilitad da las studentas e dals students e dal persunal da la SAP dal Grischun vegn finanziada da Movetia cun dus programs:

Il program Swiss-European Mobility (SEMP) pussibilitescha segiurns da studi e da praticum per studentas e students sco era segiurns d'instrucziun e da furmaziun supplementara per il persunal da las scolas autas en l’exteriur e pussibilitescha da retschaiver giasts internaziunals. Ils formats da mobilitad tanschan da semesters e praticums classics fin a BIP (Blended Intensive Programmes), che cumbineschan la collavuraziun virtuala cun segiurns curts.

Il program naziunal da barat per persunas d’instrucziun futuras (NALE) pussibilitescha a persunas d’instrucziun futuras ed a giuvnas absolventas ed absolvents d’absolver praticums u segiurns da semester en in’autra regiun linguistica da la Svizra u en scolas svizras a l’exteriur. Il program promova era cooperaziuns tranter las instituziuns e rinforza uschia tant la mobilitad naziunala sco era la plurilinguitad.

Las studentas ed ils students che han absolvì in semester da mobilitad din...

Lukas Ackermann, semester ospitant a l'universitad dad Erfurt: 
«Novs umans, novas perspectivas»

Grazia a la buna organisaziun, il sustegn da l'International Office, il program da buddy e l’emna d’introducziun  sun jau ma vivì en svelt. Cun novs inscunters e novas perspectivas hai jau profità enormamain, tant persunalmain sco er academicamain. Las amicizias ed il barat – era cun docentas e docents – han schlargià mia egliada. L’International Office da la SAP dal Grischun sco era ad Erfurt han reagì adina fitg spert e gidaivel sin mes e-mails. Tut en tut n’hai jau mai gì il sentiment da star qua sulet cun mias dumondas.

A l'intervista

Jasmin Wismer, semester ospitant a l'universitad da Fribourg:
«In'experientscha grondiusa ed instructiva»

Igl ha dà plirs muments decisivs. Surtut ils gentars e las sentupadas communablas la saira sco era discurs tranter ils moduls cun novas amias ed amis han marcà quest temp. In mument clav è stada mia preschentaziun l’ultim di – là hai jau realisà quant fitg che mes franzos è sa meglierà. Il medem mument hai jau emprendì da prender per mauns e dumagnar da maniera autonoma situaziuns pli difficilas. Per mai èsi cler: Jau decidess da tut temp puspè per in semester ospitant.

A l'intervista

Seraina Lony, semester ospitant a la San Diego State University: 
«In dals pli bels e marcants mezs onns da mia vita»

Vor dem Gastsemester hatte ich grosse Sorgen: ob mein Englisch im Studium reichen würde, wie ich mit der Distanz zur Schweiz und der langen Zeit ohne Familie und Freund:innen umgehen und mich in einer neuen Umgebung zurechtfinden könnte. Rückblickend legten sich diese Befürchtungen schnell. Der Einblick in andere Kulturen ist ein grosser Mehrwert für unseren Beruf, da er uns später hilft, unsere Schüler:innen besser zu begleiten und auf ihre unterschiedlichen Lebenswelten einzugehen.

Besonders geprägt hat mich die wertschätzende Beziehung zwischen Dozierenden und Studierenden, die mich in meinem Wunsch bestärkt, später selbst auf Augenhöhe zu unterrichten.

A l'intervista

Mobilitad: International Office

L'International Office (IO) da la SAP dal Grischun fa part dal post da stab per linguas chantunalas. El coordinescha ils partenadis da la scola auta cun autras scolas autas spezialisadas sin la furmaziun en Svizra ed a l'exteriur. L'International Office (IO) promova la mobilitad e coordinescha tut las pussaivladads da barat per las studentas ed ils students sco era per il persunal da la SAP dal Grischun (outgoing). Plinavant è el l'emprim post da consultaziun per tut las studentas externas e tut ils students externs e collavuraturas e collavuraturs che s'interessan per in semester da barat u per in program da curta durada a la SAP dal Grischun (incoming).

ulteriuras infurmaziuns

Scolina e scola primara: Daventar persuna d'instrucziun: tut ils studis da bachelor

La Scola auta da pedagogia dal Grischun (SAPGR) As prepara per Voss futur professiunal sco persuna d’instrucziun cun in studi d’emprima qualitad. Ils diploms da bachelor renconuschids en tut la Svizra As avran las meglras schanzas sin il martgà da lavur.

ulteriuras infurmaziuns

Contact

Ihr Browser (IE 11) ist leider zu alt und wird nicht mehr unterstützt.