Ciclus d'occurrenzas

Café scientific Grischun: "Sin via en il Grischun cun ina bilantscha neutrala da CO2?"

Cuntegn dal program

La midada dal clima na statg betg pli avant porta, ella è gia capitada. Senza invit, ma betg senza culpa. Cun il plan d'acziun Green Deal Grischun ha noss chantun sco emprim chantun scrit sin las bandieras da daventar fin l'onn 2050 neutral al clima. Las meglras premissas per far in emprim pass en chaussa avain nus sin basa da nossa geografia en la mobilitad. Nunpussaivel, pensais Vus, cun tantas muntognas? Nus discurrin davart tecnologias e davart applicaziuns per decarbonisar il traffic en il Grischun e scuvrin quai. Sajas da la partida, in podium captivant ed in apero final As spetga.

Referents

• Remi Crameri, ibW, vicedirectur ed expert per electromobilitad
• Silvan Pleisch, Uffizi d’energia e da traffic dal Grischun (UEnTr), manader da project traffic public
• Daniel Vincenz, Novaziun AG, fundatur

Moderaziun: David Schmid, CSEM, manader svilup regiunal

Public en mira

Occurrenza publica

Ciclus d’occurrenzas Café scientific

Cafés èn gia adina stads lieus d'inscunter bainvis per discutar davart fatgs actuals e per barattar opiniuns. Senza referats e podium discuteschan expertas ed experts cun il public davart temas scientifics d’impurtanza particulara per il Grischun.

I sa tracta d'in discurs avert tranter tut las participantas ed ils participants. L'entrada è libra.

Inizianta e coordinatura

Il ciclus d'occurrenzas cun cafés scientifics, iniziada da la Fundaziun Science et Cité en divers lieus da scolas autas en Svizra, vulan pussibilitar a la populaziun il barat persunal cun las scienzas natiralas e cun las scienziadas ed ils scienziads da differents champs – cun la finamira da reducir las barrieras tranter la perscrutaziun a las scolas autas e la populaziun. En il barat direct daventa evident il niz general da la perscrutaziun en scolas autas ed en instituts da perscrutaziun. La colliaziun tranter il mintgadi ed ils resultats da la scienza daventa evidenta. Il ciclus d' occurrenzas vegn coordinà da l'Academia Raetica, da l'associaziun per promover la scienza, la perscrutaziun e la furmaziun en il chantun Grischun e ses conturn.