Berufsmesse

Messa per maturandas e maturands a Turitg 

La fiera da maturandas e maturands a Turitg dat a las scolaras ed als scolars avant la matura, la matura professiunala u la matura spezialisada la pussaivladad d’emprender ad enconuscher las scolas autas svizras e lur purschidas da studi. En in discurs persunal cun collavuraturas e collavuraturs da las scolas autas e cun studentas e students survegnan els in'orientaziun per lur tscherna da studi e vegnan a savair tge vias da furmaziun e da carriera che stattan avertas per els. Era geniturs, persunas d’instrucziun sco era cussegliadras e cussegliaders da studi e da carriera èn cordialmain bainvegnids.

Emprender d'enconuscher la SAP dal Grischun

Al stan da la SAP dal Grischun dattan las persunas responsablas per il studi e las studentas ed ils students invista en il studi e la professiun sco persuna d’instrucziun. Els respundan tranter auter a dumondas davart ils suandants temas:

• noss studis da bachelor scolina e scola primara (1.-2. classa) sco era scola primara (1.-6. classa)
• pratica professiunala a partir da l'emprima emna
• pussavladads d'absolver in studi pluriling
• perspectivas professiunalas e pussaivladads da svilup suenter il studi
• admissiun al studi

Nus ans legrain sin blers inscunters interessants e discurs persunals.