La professiun sco persuna d’instrucziun pretenda in engaschament social cun effect persistent e cun gronda responsabladad. Persunas d’instrucziun furman generaziuns futuras e las sensibiliseschan per las sfidas socialas, ecologicas ed economicas da l’avegnir. Ellas portan e transportan responsabladad per il mund en il qual nus vivain. La SAP dal Grischun las sustegna en quest agir.
La SAP dal grischun garantescha ina furmaziun dad auta valur e s’engascha da maniera activa per l’egualitad e l’autodeterminaziun. Questas finamiras èn part dals Sustainable Developement Goals da las Naziuns Unidas ed ellas èn francadas en la strategia 2021-2024 da la SAP dal Grischun.
En il manaschi da la scola auta s’orientescha la SAP dal Grischun als Sustainable Development Goals da las Naziuns Unidas. Ella s’engascha per in consum e per ina producziun cun responsabladad e per mesiras per la protecziun dal clima.
Ils Sustainable Development Goals (SDGs) èn 17 finamiras per in svilup persistent e defineschan terms economics, ecologics e socials che duain vegnir cuntanschids fin l'onn 2030. Els furman il coc da l'agenda 2030, deliberada da tut ils commembers da las Naziuns unidas l'atun 2015. La SAP dal Grischun ha fixà quatter finamiras.
ulteriuras infurmaziunsAvais Vus ulteriuras ideas ch’ins savess realisar a la SAP dal Grischun? Nus essan mirveglius ed examinain gugent Vossas ideas.
Ihr Browser (IE 11) ist leider zu alt und wird nicht mehr unterstützt.