Purtret
La SAP dal Grischun

La Scola auta da pedagogia dal Grischun scolescha persunas d’instrucziun per la scola populara. Ella promova plinavant il perfecziunament professiunal da las persunas d’instrucziun cun resguardar la perscrutaziun ed il svilup dal rom e da la didactica dal rom. La SAP dal Grischun metta ils accents da perscrutaziun sin “plurilinguitad”, “scola alpina” sco era sin “scola e tecnica”. Quests accents èn caracteristics per la singularitad da la scola auta.

Co nus ans vesain

 

  • Nus purschain a studentas ed a students sco er a persunas d’instrucziun cundiziuns da basa optimalas per ina scolaziun ed ina furmaziun supplementara orientada a la professiun.

 

  • Nus purschain a tut las collavuraturas ed a tut ils collavuraturs cundiziuns da lavur progressivas, promovain l’emprender durant la vita, tgirain e rinforzain nossa cuminanza

 

  • En l’atmosfera famigliara da la SAP dal Grischun èn las vias da decisiun curtas ed il spazi d’agir per soluziuns innovativas e spertas è grond.

 

  • Uschia contribuin nus activamain a la convivenza sociala e culturala en il chantun Grischun.

 

  • Nus concepin noss futur communablamain, da maniera persistenta e cun in’auta qualitad.

 

  • Nus ans sviluppain vinavant sco scola auta da pedagogia sin tut ils champs, resguardond nossa structura e nossa cultura unica.

Nizzegiar la varietad linguistica sco schanza  

La SAP dal Grischun rinforza las trais linguas chantunalas, pussibilitescha access ad ulteriuras linguas e promova uschia la plurilinguitad. La SAP dal Grischun ha etablì la professura speziala per didactica da plurilinguitad integrada, sviluppa meds d’instrucziun e fa perscrutaziun dal rom e da la didactica dal rom. Las collavuraturas ed ils collavuraturs da la SAP dal Grischun garanteschan sco spezialistas e spezialists ina scolaziun e furmaziun cuntinuada interdisciplinara ed attractiva.

 

Rinforzar la scola e l’instrucziun en il territori alpin  

Scolas e lur acturs en territoris alpins e perifers han basegns spezials che chaschunan dumondas spezialas. En la furmaziun da las persunas d’instrucziun vegnan resguardads lieus d’emprender ordaifer la scola, i vegn sensibilisà per in svilup persistent e la relaziun cun l’eterogenitad vegn rinforzada. La SAP dal Grischun utilisescha da maniera effectiva ils resultats da la perscrutaziun e dal svilup dal rom e da la didactica dal rom sco era las experientschas da la pratica.  

Sviluppar la furmaziun en la midada digitala  

La strategia da la SAP dal Grischun s’orientescha al fatg che las cumpetenzas en ils champs tecnics e da las scienzas natiralas èn centralas per il futur da nossa societad. Promover questas cumpetenzas en la furmaziun da persunas d’instrucziun è in’incumbensa impurtanta da la societad. La SAP dal Grischun nizzegia la midada digitala per la furmaziun, spezialmain en ils champs matematica, informatica, scienzas natiralas e tecnica. En il center stattan en quest connex las enconuschientschas da la perscrutaziun e dal svilup dal rom e da la didactica dal rom sco era quellas da las cooperaziuns cun las scolas e cun l’economia. La finamira è da scolar persunas d’instrucziun cumpetentas e conscientas da la responsabladad, da las perfecziunar e da las colliar ina cun l’autra.  

Realisar la SAP dal Grischun per il futur  

La SAP dal Grischun porscha a las studentas ed als students ed a las persunas d’instrucziun cundiziuns da basa optimalas per ina scolaziun e furmaziun cuntinuada che ha success e ch’è orientada a la professiun. Ella porscha a tut las collavuraturas ed a tut ils collavuraturs cundiziuns da lavur progressivas, promova l’emprender cuntinuant, ha quità da sia cuminanza e rinforza quella. En l’atmosfera famigliara da la SAP dal Grischun èn las vias da decisiun curtas e la libertad d’agir per schliaziuns innovativas e sveltas è gronda. Uschia presta la SAP dal Grischun ina contribuziun activa per la convivenza sociala e culturala en il chantun Grischun. La SAP dal Grischun furma ed elavura ses futur da maniera communabla, persistenta e cun auta qualitad. Ella sa sviluppa sin tut ils nivels sco scola auta da pedagogia cun resguardar sia structura e cultura unica. 

Perscrutaziun a la SAP dal Grischun

La perscrutaziun a la SAP dal Grischun s’occupa essenzialmain da dumondas dals champs "plurilinguitad", "scola e tecnica" e "scola en il territori alpin". Las dumondas da perscrutaziun partan da problems concrets e tschertgan pussaivladads da meglieraziun e da svilup. Las enconuschientschas dals projects da perscrutaziun vegnan integradas tant en la furmaziun, en la pratica ed en il svilup da meds d'instrucziun.

En tut maina la SAP dal Grischun quatter professuras da perscrutaziun: la professura speziala didactica da plurilinguitad integrada cun accent rumantsch sco era talian, didactica da matematica sco era scienzas d’educaziun.

Direcziun da l'organisaziun Profil

La Scola auta pedagogica dal Grischun ha grondas finamiras. Nossas valurs, nossa visiun e missiun e nossa strategia ans gidan da cuntanscher questas finamiras. Ellas èn il fundament da noss agir e da noss cumportament.

ulteriuras infurmaziuns

Direcziun da l'organisaziun Studegiar a moda persistenta

La professiun sco persuna d’instrucziun pretenda in engaschament social cun effect persistent e cun gronda responsabladad. Persunas d’instrucziun furman generaziuns futuras e las sensibiliseschan per las sfidas socialas, ecologicas ed economicas da l’avegnir. Ellas portan e transportan responsabladad per il mund en il qual nus vivain. La SAP dal Grischun las sustegna en quest agir.

ulteriuras infurmaziuns

Giustia da las schanzas, diversitad ed inclusiun

Sco SAP dal Grischun promovain nus la giustia da las schanzas, la diversitad e l’inclusiun. Uschia pudain nus trair a niz in pool da talents pli vast, profitar d'ina diversitad che promova la creativitad e garantir che nossas activitads d'instrucziun e perscrutaziun sajan coordinadas cun ils basegns da l'entira societad e particularmain cun las scolas. Correspundentamain ha il tema "s’occupar da l'eterogenitad" ina gronda impurtanza en la furmaziun da las persunas d'instrucziun.

ulteriuras infurmaziuns

Jobs & lavurar a la SAP dal Grischun

La Scola auta da pedagogia dal Grischun porscha plazzas attractivas e spazi per il svilup ed il perfecziunament persunal e per contacts. Avais Vus interess da perscrutar, d’instruir, da garantir il manaschi da la scola auta u da prestar servetschs spezialmain per umans giuvens? Lura essas Vus al dretg lieu tar nus. Contribui Vossas fermezzas e daventai part da noss team pluriling.

ulteriuras infurmaziuns

Ihr Browser (IE 11) ist leider zu alt und wird nicht mehr unterstützt.