Ord mamez e dasperas | Al di fuori di me e accanto | Ausser mir und nebenan
Concurrenza da scriver 2026

La concurrenza da scriver PH Goes Poetry festivescha ses giubileum: per la 10avla giada envidain nus vus da metter en moviment pleds, maletgs, patratgs ed istorgias davart in tema cuminaivel. Quest onn avran il center da scriver da la SAP da Turitg, la SAP dal Grischun e per l’emprima giada era la Scola auta federala per la furmaziun professiunala SAFFP las portas per tuttas e tuts che han gust da scriver a moda poetica, litterara u experimentala.

Ausser mir und nebenan | Al di fuori di me e accanto | Ord mamez e dasperas

Fin nua s’extenda l’agen jau? Nua cumenza l’auter, l’ester, il vischin? Tge ans unescha e tge sa mida, sche nus midain perspectiva? Nus surdain a vus las tribuna da l’interpretaziun: tranter il mund intern ed il spazi extern, tranter mamez:za ed il conturn, tranter vischinanza e distanza datti nundumbraivlas istorgias che spetgan da vegnir raquintadas.

Er en l’ediziun da giubileum vegnan ils texts inoltrads selecziunads d’ina giuria da profis che sa cumpona dad expertas ed experts da slam sco era da students e da collavuraturas e collavuraturs da tuttas trais scolas autas. Las auturas ed ils auturs dals megliers texts vegnan envidads al final che ha lieu il settember 2026 en il «Kafi Schnauz» a la SAP da Turitg. Tgi che persvada là en il live-voting dal public survegn in dals trais plazs sin il podest. Ils texts da las nominadas ed als nominads vegnan lura publitgads.

PH Goes Poetry 2026 – Flyer zum Poetry Slam Schreibwettbewerb der Pädagogischen Hochschule Graubünden zum Thema «Ausser mir und nebenan | Al di fuori di me e accanto | Ord mamez e dasperas» mit Teilnahmeinfos, Einsendeschluss 31. März 2026 und Finalanlass im Kafi Schnauz

Cundiziuns da participaziun:

Tut las sorts da texts èn lubidas.
Ils texts pon esser scrits per tudestg, talian, rumantsch ed englais. Ins po er integrar autras linguas, la muntada duess dentant esser chapibla or dal context.
Lunghezza dal text: 3000-5000 segns.

Termin da consegna: fin ils 31 da mars 2026

Trametter ils texts a: laurin_schenkel@stud.phzh.ch

Premis

1. plaz: 150 francs

2. plaz: 100 francs

3. plaz: 50 francs

Tgi po sa participar

Studentas e students, anteriuras studentas e students e collavuraturas e collavuraturs dad omaduas SAP’s e participantas e participants dal modul da CAS «Literarisches Schreiben» han il dretg da sa participar.

Per sa participar al poetry slam na dovri naginas enconuschientschas da basa litteraras. Quai che vegn apprezià è plitost la varietad dals temas preschentads sco era la moda creativa da s'exprimer da las participantas e dals participants.

Ils texts nominadas pon era vegnir performads d’in slammader/d’ina slammadra al final (e betg da l’autur:a)

Per l’edizione del 2026, il concorso di scrittura PH goes Poetry propone come tema Ausser mir und nebenan | Al di fuori di me e accanto | Ord mamez e dasperas. È un tema che oscilla tra lontananza e vicinanza, che apre a diverse direzioni dello sguardo e che al tempo stesso traccia confini e costruisce ponti. È uno sguardo dentro e al di fuori di noi.

Ivana Vezzola, Co-Leiterin Stabsstelle Kantonssprachen

Poetry slam

Poetry slam è in moviment litterar che ha ses origin en l’America e ch’è entant sa derasà en tut il mund. En il rom da concurrenzas publicas, ils uscheditgs slams, sa scuntran poetessas e poets in cun l'auter per intgantar il public cun lur art. En in temp limità preschentan quels lur agens texts, sa servind d'ina lingua simpla e chapaivla per intermediar lur messadi en ina moda uschè impressiunanta sco pussaivel.

Ils temas dals texts da slam tanschan d'experientschas da la vita quotidiana fin a dumondas socialas. La particularitad è l'interacziun directa tranter las artistas ed ils artists ed il public che sa participescha a l'occurrenza. Cun surdar puncts valitescha il public las represchentaziuns e contribuescha uschia dad eruir la victura u il victur. Quai stgaffescha in'atmosfera viva e fa dal slam poetry ina furma unica da l'expressiun litterara.

Contact

Leiterin Stabstelle Kantonssprachen

Irina Lutz