Actual
Regenza elegia cussegl da la scola auta
La Regenza ha elegì ils 5 da matg 2026 il cussegl da la scola auta da la SAP dal Grischun per la perioda d'uffizi dal 1. da fanadur 2026 fin ils 30 da zercladur 2030.
• Dr. Hans Peter Märchy, president
• Sandra Locher Benguerel, vicepresidenta (fin 30 da zercladur 2028)
• Prof. dr. dr. Marc Eyer
• Piera Furger
• Cornelia Mathis-Schibig
• Lea Simeon
• Aita Zanetti
Da nov è vegnì elegì prof. dr. dr. Marc Eyer en il cussegl da la scola auta. Marc Eyer ha doctorà en fisica e scienzas d'educaziun. El è manader da l'Institut stgalim secundar II e docent per interdisciplinaritad a la Scola auta da pedagogia da Berna. Marc Eyer succeda a prof. dr. Walter Bircher. Nus engraziain cordialmain a Walter Bircher per ses engaschi da blers onns a favur da nossa scola auta.
L'anteriura cussegliera naziunala Sandra Locher Benguerel cuntanscha il temp d'uffizi maximal da 12 onns gia la fin da zercladur 2026. La regenza ha fatg diever da la pussaivladad da prolungar la perioda d'uffizi en cas excepziunals motivads ed ha elegì ella fin ils 30 da zercladur 2028.