Venderdi, ils 19 da zercladur ha gì lieu a la Scola auta da pedagogia dal Grischun en in rom festiv la festa da diplom da quest onn per las persunas d’instrucziun dal stgalim secundar I e da las scolas da maturitad.
En il studi da master per studentas e students cun in bachelor spezialisà/master spezialisà ha la SAP dal Grischun pudì surdar otg diploms d’instrucziun per il stgalim secundar I ed in diplom d’instrucziun cumbinà per il stgalim secundar I e per las scolas da maturitad.
Ensemen cun la SAP da Son Gagl maina la SAP dal Grischun ultra da quai in studi da master Stgalim secundar I per persunas d’instrucziun da la scola primara. En quest studi èn vegnids surdads otg ulteriurs diploms d’instrucziun per il stgalim secundar I.
En lur pleds han prof. dr. Reto Givel, rectur da la SAP dal Grischun, sco era Franz Hohler undrà las novas persunas d’instrucziun diplomadas ed accentuà l’impurtanza da la furmaziun da persunas d’instrucziun per la societad. Ina maioritad da las diplomandas e dals diplomands instruescha gia en scolas. Sco persunas spezialisadas scoladas per il stgalim secundar contribueschan ellas a l’auta qualitad da la scola publica.
La SAP dal Grischun gratulescha cordialmain a las diplomandas ed als diplomands ed engrazia a tut las persunas participadas che han contribuì al success da l'eveniment.
Sco scolast:a sin il stgalim secundar I preparais Vus giuvenils per lur futur. In stgalim supplementar per il stgalim secundar I cuntanschais Vus sco persuna d'instrucziun dal stgalim primar cun in studi da trais onns a temp parzial.
ulteriuras infurmaziuns
Sco scolast:a sin il stgalim secundar I preparais Vus giuvenils per lur futur. Questa professiun pretensiusa cuntanschais Vus cun in studi da trais onns a temp parzial a la Scola auta da pedagogia. In program variant cun ina gronda cumpart da didactica dal rom e da pratica professiunala As spetga. La furmaziun è fitg individualisada ed As qualifitgescha d’instruir en ina scola reala u secundara.
ulteriuras infurmaziuns
Sco scolast:a sin il stgalim secundar I e scolas da maturitad preparais Vus giuvenils per lur futur. Questa professiun pretensiusa cuntanschais Vus cun in studi da trais onns a temp parzial a la Scola auta da pedagogia. In program variant cun ina gronda cumpart da didactica dal rom e da pratica professiunala As spetga. La furmaziun è fitg individualisada ed As qualifitgescha d’instruir en ina scola reala u secundara sco er en scolas da maturitad.
ulteriuras infurmaziuns
Ihr Browser (IE 11) ist leider zu alt und wird nicht mehr unterstützt.