48 absolventas ed absolvents han terminà cun success il CAS Direcziun da scola da dus onns da la Rait da mainascolas. Las scolas autas da pedagogia dal Grischun, da Son Gagl e da Turgovia porschan communablamain questa scolaziun.
Cun la finiziun reussida han las diplomandas ed ils diplomands il dretg da manar il titel «Manadra da scola CDEP resp. manader da scola CDEP». Els vegnan da l’entira Svizra orientala ed èn activs en ils chantuns Grischun, Turgovia, Son Gagl, Appenzell ed en il Principadi dal Liechtenstein.
En la scolaziun cumplementara a la professiun han las participantas ed ils participants sviluppà lur cumpetenzas en differents temas directivs. En il modul da basa èn els s’occupads cun la basa da la direcziun da la scola. Ils puncts centrals èn stads il svilup d’ina chapientscha da direcziun reflectada, ina concepziun da las rollas ch’è adattada a la situaziun da la scola correspundenta sco era dumondas da la communicaziun e dal management da qualitad.
En il modul da certificat han las futuras manadras ed ils futurs manaders da scola approfundà lur enconuschientschas en la direcziun operativa d’ina scola. Els èn s’occupads cun las incumbensas e responsabladads multifaras d’ina direcziun da la scola ed han acquistà las cumpetenzas d’agir necessarias per quest intent.
Betg il davos han ils colloquis davart la lavur da certificat ed ils forums avant la festa da certificat pussibilità da s’occupar a moda focusada cun temas relevants per il mintgadi professiunal. Il connex pratic e l’expertisa scientifica èn sa cumplettads qua.
La festa da certificat ha gì lieu da bell’aura da stad a la Scola auta da pedagogia da Son Gagl. Las purtadras ed ils purtaders dal NSF, represchentads tras las trais prorecturas furmaziun cuntinuada e servetschs, prof. Regula Flisch (PHSG), prorectura prof. dr. Silvia Deplazes (PHGR), e prof. dr. Iris Henseler (PHTG) han beneventà las diplomandas ed ils diplomands ed undrà las collavuraturas ed ils collavuraturs dal NSF per lur lavur. En ses pled encuraschant ha il rectur, prof. dr. Horst Biedermann (PHSG) explitgà, tge pussaivladads che s’avran per ina «direcziun da scola reussida cun renconuscher la diversitad sco forza da svilups persistents». Musicalmain è la festa vegnida enramada da Barbara Hürlimann a la violina ensemen cun Stephan Hürlimann al clavazin.
Nus gratulain a tut las diplomandas ed a tut ils diplomands per lur finiziun gartegiada e giavischain tut il bun per lur ulteriura activitad professiunala!
Schulleiter:innen setzen Impulse. Sie begreifen Schule als attraktiven Lern- und Bildungsraum und verstehen es, bestehende und zukünftige Anforderungen im Bildungssystem mit den Mitarbeitenden erfolgreich anzupacken. Als Schulleiter:in gestalten Sie Veränderungsprozesse und unterstützen kooperative, wirksame und ressourcenorientierte Lösungen.
ulteriuras infurmaziunsIhr Browser (IE 11) ist leider zu alt und wird nicht mehr unterstützt.