Gratulaziun

Festa da certificat CAS Musica

Las absolventas ed ils absolvents guardan enavos sin dus onns intensivs ed inspirants. En quest temp han els approfundà lur enconuschientschas da la pedagogia musicala, sviluppà novs impuls d’instrucziun ed engrondì lur cumpetenzas per la pratica.

La festa ha dà l’occasiun per dar in sguard enavos sin il viadi da perfecziunament cuminaivel ed ha undrà las prestaziuns da las participantas e dals participants. La manadra da la scolaziun, Esther Bläsi-Huber, ha ludà l’engaschament ed il svilup professiunal da las diplomandas e dals diplomands. Per il rom musical ha procurà ina gruppa dal Chor d’uffants e giuvenils dal Partenz sut la direcziun dad Iris Vogt Klaas. Las contribuziuns han dà ina tempra festiva a l’occurrenza ed han suttastritgà l’impurtanza da la musica sco furma d’expressiun, cuntegn da furmaziun ed element che collia. Cun terminar cun success il CAS disponan las absolventas ed ils absolvents da cumpetenzas professiunalas e didacticas approfundadas per concepir l’instrucziun musicala da maniera creativa, moderna ed entusiasmanta.

La SAP dal Grischun gratulescha cordialmain per la finiziun reussida.