Decleraziun davart la protecziun da datas

La protecziun da datas è ina chaussa da confidenza e Vossa fidanza è impurtanta per nus. En questa decleraziun davart la protecziun da datas infurmain nus perquai co e per tge che nus rimnain, elavurain e duvrain Vossas datas persunalas.

En questa decleraziun davart la protecziun da datas intervegnis Vus tranter auter:

• tge datas persunalas che nus rimnain ed elavurain
• per tge intents che nus duvrain Vossas datas persunalas
• tgi che ha access a Vossas datas persunalas
• tge niz che nossa elavuraziun da datas ha per Vus
• quant ditg che nus elavurain Vossas datas persunalas
• tge dretgs che Vus avais areguard Vossas datas persunalas
• co che Vus ans pudais contactar

Per in in’elavuraziun determinada da datas areguard il dretg davart la protecziun da las datas è mintgamai l’instituziun responsabla che decida, sche questa elavuraziun duai vegnir fatga, per tge intents ch’ella duai succeder e co ch’ella è concepida.

Per l’elavuraziun da datas tenor questa decleraziun da protecziun da datas è da princip responsabla la Scola auta da pedagogia dal Grischun, Scalärastrasse 17, 7000 Cuira («SAP dal Grischun», «nus» u «ans/a nus»).

• Datas persunalas èn tut las indicaziuns che sa refereschan ad ina persuna natirala determinada u determinabla.
• Ina persuna pertutgada è ina persuna, da la quala vegnan elavuradas datas persunalas.
• L’elavuraziun cumpiglia mintga diever da datas persunalas, independentamain dals meds e da las proceduras applitgadas, per exempel consultar, armonisar, adattar, archivar, conservar, zavrar, communitgar, procurar, registrar, rimnar, stizzar, declerar, ordinar, organisar, arcunar, midar, derasar, colliar, destruir e duvrar datas persunalas.
• Profiling manegia mintga moda u maniera da l’elavuraziun automatisada da datas persunalas che ha l’intent che questas datas vegnan utilisadas per valitar tscherts aspects persunals che sa refereschan ad ina persuna natirala, cunzunt per analisar u predir aspects concernent la prestaziun da lavur, la situaziun economica, la sanadad, las preferenzas persunalas, ils interess, la fidaivladad, il cumportament, il lieu da dimora u la midada dal lieu da questa persuna natirala.
• Cookies èn datotecas che cuntegnan tschertas datas tecnicas e che vegnan deponidas ed arcunadas sur in browser d’internet sin in sistem da computer. La persuna pertutgada po evitar da tut temp dad arcunar cookies tras nossa pagina d’internet cun agid d’in parameter correspundent dal browser d’internet utilisà e cuntradir uschia duraivlamain da metter cookies. Ultra da quai pon cookies gia mess vegnir stizzads da tut temp sur in browser d’internet u sur auters programs da software.
• Tar las datas tecnicas tutgan tranter auter
  • l’adressa dad IP da Voss apparat ed ulteriuras IDs dad apparats-ID (p.ex. adressa da MAC);
  • numers distinctivs che vegnan attribuids a Voss apparat da cookies e da tecnologias sumegliantas (p.ex. pixel tags);
  • indicaziuns davart Voss apparat e sia configuraziun, p.ex. sistem operativ u ils parameters linguistics;
  • indicaziuns davart il browser, cun il qual Vus accedis a la purschida e sia configuraziun;
  • infurmaziuns davart Voss moviments ed acziuns sin nossas paginas-web ed en nossas apps;
  • indicaziuns davart Voss provider d’internet;
  • Voss lieu approximativ ed il mument da l’utilisaziun;
  • registraziuns davart il sistem dals access e d’auters process (datas da log);
  • datas marginalas dal traffic da telecommunicaziun.

Nus elavurain datas che resultan en il rom da l’utilisaziun da nossas paginas-web, apps u raits da Wi-Fi (datas tecnicas) che Vus ans mettais a disposiziun (p.ex. en il rom d’annunzias per newsletters, annunzias per occurrenzas, cun emplenir formulars da web u autras empustaziuns) u che resultan en il rom dals fatgs da contracts. Quai po star en spezial en connex cun in studi, cun ina furmaziun supplementara, cun la perscrutaziun u cun ils servetschs.

Nus relevain cunzunt Vossas datas persunalas , sche Vus entrais en contact cun nus, per exempel sur nossas paginas-web, sco interessent:a, petent:a, client:a, candidat:a, etc. Nus elavurain datas persunalas e che nus survegnin en il rom da nossa relaziun da fatschenta da nossa clientella. Ultra da quai elavurain nus - sche quai è necessari per prestar noss servetschs - datas persunalas che nus gudagnain da funtaunas accessiblas al public.

Datas persunalas relevantas èn persunalias (num, adressa ed autras datas da contact, di e lieu da naschientscha e naziunalitad) e datas da legitimaziun (p.ex. datas da legitimaziun). Ultra da quai pon quai er esser datas d’incumbensas, datas da l’adempliment da nossas obligaziuns contractualas, datas da reclama e da distribuziun, datas da documentaziun sco er autras datas cumparegliablas cun las categorias numnadas.

Nus pudain tadlar u registrar conferenzas da telefon u da video per intents da scolaziun, da cumprova e per garantir la qualitad. En tals cas faschain nus attents Vus separadamain a quai (p.ex. tras ina visualisaziun u in’annunzia) ed i stat liber a Vus d’ans communitgar, sche Vus na giavischais betg ina registraziun u da terminar la communicaziun (en cas che Vus na giavischais sulettamain nagina registraziun da Voss maletg, deactivai per plaschair Vossa camera). Ultra da quai pudain nus elavurar datas persunalas per l’organisaziun, la realisaziun e l’evaluaziun dad occurrenzas, sco en spezial glistas da las participantas e dals participants, cuntegns da referats e da discussiuns, ma era registraziuns da maletgs e dad audio che vegnan fatgas durant questas occurrenzas.

Sche Vus utilisais nossas paginas d’internet sulettamain per infurmaziuns, pia sche Vus n’emplenis nagins formulars da web e sche Vus n’As registrais betg per in event u sche Vus ans transmettais infurmaziuns, registrain nus las suandantas datas tecnicas che Voss browser transmetta. Questas datas na vegnan betg cumbinadas cun autras funtaunas. Questas retschertgas da datas servan unicamain ad optimar ed a meglierar la favuraivladad per ils utilisaders da nossas paginas-web. Nus ans resalvain d’examinar pli tard questas datas, sche nus survegnin indizis concrets per in’utilisaziun illegala.

Tar singulas purschidas online pudais Vus eventualmain As annunziar cun il login d’ina terza partida (p.ex. Switch edu-ID). En quest cas avain nus access a tschertas datas deponidas tar il purschider respectiv, p.ex. Voss num e Vossa adressa dad e-mail. Infurmaziuns en chaussa chattais Vus en la decleraziun davart la protecziun da datas dal purschider respectiv.

Tscherts geners da datas persunals valan tenor il dretg davart la protecziun da datas sco «spezialmain sensiblas», p.ex. indicaziuns davart la sanadad e caracteristicas biometricas. Tut tenor constellaziun pon las datas persunalas era cumpigliar talas datas persunalas spezialmain sensiblas. Per regla elavurain nus dentant be talas datas persunalas spezialmain sensiblas, sche quai è necessari per furnir ina prestaziun, sche Vus ans avais dà enconuschent questas datas persunalas u sche Vus avais dà Voss consentiment per l’elavuraziun. Nus pudain ultra da quai elavurar datas da persunas spezialmain sensiblas, sche quai è necessari per la protecziun legala u per resguardar prescripziuns giuridicas svizras u estras, sche las datas correspundentas èn evidentamain vegnidas communitgadas publicamain da la persuna pertutgada u sch’il dretg applitgabel permetta lur elavuraziun.

Sco instituziun da dretg public elavurain nus datas persunalas sin la basa legala da la Lescha chantunala davart las scolas autas e la perscrutaziun (LSAP, BR 427.200) confurm a las disposiziuns da la Lescha chantunala davart la protecziun da datas (LCPD, BF 171.100) dal chantun Grischun, da la Lescha federala svizra davart la protecziun da datas (LPD, SR 235.1) sco era dal Reglament europeic general davart la protecziun da datas RGPD (RGPD, ordinaziun 2016/679), uschè lunsch che las regulaziuns correspundentas èn applitgablas. Perquai ch’il RGPD pretenda che nus represchentian quellas individualmain, vegn numnada qua sutvart la basa legala, sin la quala nus basain nossa elavuraziun, premess ch’il RGPD vegnia applitgà. En cas d’ina elavuraziun da datas persunalas tenor la LCPD u LPD, ans basain nus mintgamai sin la basa legala cumparegliabla en questas leschas.

6.1 Per ademplir obligaziuns tenor contract (art. 6 alinea 1 b RGPD)

Las datas vegnan elavuradas per prestar ils servetschs da la SAP dal Grischun en il rom da l’adempliment da noss contracts (p.ex. en ils champs da la scolaziun e furmaziun supplementara e concernent noss servetschs) cun nossa clientella u per realisar mesiras precontractualas che succedan sin dumonda. Ils intents da l’elavuraziun da datas sa drizzan en emprima lingia tenor il servetsch concret e pon cumpigliar tranter auter activitads sco scolaziuns u cussegliaziuns. Ils documents da contract e las cundiziuns da fatschenta pon cuntegnair ulteriurs detagls davart ils intents d’elavurar datas.

6.2 En il rom da l’examinaziun dals interess (art. 6 alinea 1 f RGPD)

Sche necessari, elavurain nus Vossas datas sur l’adempliment sco tal dal contract per mantegnair ils interess giustifitgads da nossa vart u da terzas persunas. Exempels:

• per la perscrutaziun
• per la reclama u retschertga dal martgà e da l'opiniun, sche Vus n'avais betg cuntraditg a l'utilisaziun da Vossas datas,
• per far valair pretensiuns giuridicas e defensiun en cas da dispitas giuridicas,
• per newsletters, annunzias per occurrenzas ed empustaziuns (sche la consegna po vegnir spetgada da la persuna pertutgada)
• per garantir la segirezza da d’IT e dal manaschi d’IT,
• per analisar il traffic d’internet sin nossas paginas-web, per meglierar la funcziunalitad da nossas paginas-web
• per impedir e sclerir malfatgs,
• per mesiras da diriger la fatschenta e per sviluppar vinavant servetschs e products
  
  

Il mantegniment d’ulteriurs interess giustifitgads, che na sa laschan betg numnar definitivamain, tutga era vitiers.

6.3 A basa da Voss consentiment (art. 6 alinea. 1 a RGPD)

Uschenavant che Vus ans avais dà in consentiment per elavurar datas persunalas per tscherts intents (p.ex. dar vinavant datas, evaluar datas persunalas per intents da perscrutaziun e da marketing; newsletter, nun ch'i na dettia nagina basa legala per quest intent sin basa da la lit. b), è la legalitad da questa elavuraziun dada sin fundament da Voss consentiment. In consentiment dà po vegnir revocà da tut temp. Quai vala era per la revocaziun da decleraziuns da consentiment ch'èn vegnidas dadas a nus avant la vigur dal RGPD, pia avant ils 25 da matg 2018. La revocaziun dal consentiment na tanghescha betg la legalitad da las datas ch’èn vegnidas elavuradas fin a la revocaziun.

6.4 Sin basa da directivas legalas (art. 6 alinea 1 c RGPD) u en l’interess public (art. 6 alinea 1 e RGPD)

Plinavant essan nus suttamess sco SAP dal Grischun - ultra da las prescripziuns da la Lescha davart l'agid a las scolas autas e lur coordinaziun (LASA, SR 414.20) sco era da la Lescha chantunala davart las scolas autas e la perscrutaziun (LSAP, BR 427.200) - er a las ulteriuras prescripziuns giuridicas dal legislatur svizzer. Uschia po in’elavuraziun da datas persunalas era succeder, sche quai è necessari sin basa da prescripziuns legalas u sche l’elavuraziun è d’in interess public. La basa per quai è, cunzunt per il studi e la furmaziun supplementara, tranter auter l’art. 24 LASA e l’art. 2, 9 LSAP.

Entaifer la SAP dal Grischun survegnan quests posts access a Vossas datas che las dovran per ademplir nossas obligaziuns contractualas e legalas. Era interpresas da servetschs che nus avain engaschà pon retschaiver datas per quests intents. Quai èn tranter auter interpresas en las categorias servetschs dad IT, logistica, servetschs da stampa, telecommunicaziun, cussegliaziun e consulting sco era vendita e marketing.

Tut questas categorias da retschaviders pon da lur vart consultar terzas persunas, uschia che Vossas datas pon daventar accessiblas er a quellas. L’elavuraziun tras tschertas terzas persunas pudain nus limitar (p.ex. providers dad IT), quella tras autras terzas persunas dentant betg (p.ex. autoritads, bancas etc.).

Ulteriurs retschaviders da datas persunalas pon p.ex. esser:

• Posts ed instituziuns publicas (p.ex. autoritads e dretgiras) en cas ch’i dat in’obligaziun legala u uffiziala.
• Instituziuns entaifer la SAP dal Grischun per diriger las ristgas sin basa dad in’obligaziun legala u uffiziala.
• Quels posts, per ils quals Vus ans avais dà Voss consentiment da transmetter las datas resp. per ils quals Vus ans avais deliberà da l’obligaziun da discreziun tenor cunvegna u tenor consentiment.

Nus pussibilitain a tschertas terzas persunas da registrar datas persunalas da Vus er en atgna responsabladad sin nossa pagina-web u durant occurrenzas (p.ex. fotografs da medias, purschiders da tools che nus avain integrà sin nossa pagina d'internet (vesair chap. 13.4), etc.). Uschenavant che nus n’essan betg participads decisivamain a questas relevaziuns da datas, èn questas terzas persunas responsablas sulettas per quai. En cas da dumondas e per far valair Voss dretgs da protecziun da datas As drizzai per plaschair directamain a questas terzas persunas.

Ina transmissiun da datas a posts en stadis ordaifer la Svizra (uschenumnads stadis terzs) ha lieu (p.ex. en il rom da cooperaziuns da perscrutaziun cun scolas autas/organisaziuns estras), uschenavant

• ch’igl è prescrit da la lescha u
• che Vus ans avais dà voss consentiment u
• che nus avain previs garanzias adattadas tras mecanissems correspundents (p.ex. contracts).

Nus prendain mesiras tecnicas ed organisatoricas adequatas per proteger Vossas datas da l’access e da l’abus nungiustifitgà.

Nossas collavuraturas e noss collavuraturs e las interpresas da servetschs incumbensadas da nus èn obligads a la segirtad da las datas e da resguardar las disposiziuns concernent il dretg davart la protecziun da datas. Ultra da quai survegnan els mo sche necessari l’access a las datas persunalas.

Nus elavurain da princip Vossas datas uschè ditg sco quai che noss intents d’elavuraziun e termins da conservaziun legals, cunzunt per intents da documentaziun e da cumprovas, pretendan ubain sch’ina arcunaziun è tecnicamain necessaria (p.ex. en cas da backups). Sche nagins motivs legals, contractuals u tecnics n’impedeschan quai, stizzain u anonimisain nus da princip Vossas datas suenter la scadenza dal termin da conservaziun en il rom da noss process usitads.

Sco instituziun da dretg public essan nus tenor la Lescha davart la gestiun da documents e l’archivaziun (GAA, BR 490.200) dal chantun Grischun obligads da porscher tut ils documents a l’archiv dal stadi suenter ch'il termin da conservaziun è scadì. Ils documents che vegnan administrads da l’archiv dal stadi èn suttamess ad in termin da protecziun da 30 onns, en cas da datas persunalas sensiblas èsi 50 onns, ed èn accessibels pir suenter la scadenza da quest termin.

Vus avais il dretg da cuntradir a las elavuraziuns da datas, surtut sche nus elavurain Vossas datas persunalas sin basa d'in interess giustifitgà e sche las ulteriuras premissas applitgablas èn ademplidas. Vus pudais ultra da quai cuntradir da tut temp a las elavuraziuns da datas en connex cun marketing direct (p.ex. e-mails da reclama). Quai vala era per in profiling, uschenavant che quel stat en colliaziun cun in tal marketing direct.

Uschenavant che las premissas respectivas applitgablas èn ademplidas e ch’i na dat naginas excepziuns legalas, avais Vus ultra da quai ils suandants dretgs:

• il dretg da pretender infurmaziuns davart Vossas datas persunalas arcunadas tar nus;
• il dretg da laschar curreger datas persunalas incorrectas u incumplettas;
• il dretg da pretender che Vossas datas persunalas vegnian stizzadas u anonimisadas;
• il dretg da pretender che l’elavuraziun da Vossas datas persunalas vegnia restrenschida;
• il dretg da survegnir tschertas datas persunalas en in format structurà, usità e legibel cun maschina;
• il dretg da revocar in consentiment cun effect per l’avegnir, uschè lunsch ch’ina elavuraziun sa basa sin in consentiment. Elavuraziuns fatgas avant la revocaziun n’èn betg pertutgadas da quai.

Resguardai per plaschair che quests dretgs pon esser restrenschids u exclus en il cas singul, p.ex. sch’i dat dubis pertutgant l’identitad u sch’igl è necessari per proteger autras persunas, per defender interess degns da vegnir protegids u per resguardar obligaziuns legalas. L’elavuraziun da Vossa pretaisa legala cumenza en mintga cas pir suenter che l'identitad è vegnida examinada cun success.

Sch’il RGPD è applitgabel, vala il suandant: mintga persuna pertutgada ha il dretg sin infurmaziuns tenor l’art. 15 RGPD, il dretg sin rectificaziun tenor l'art. 16 RGPD, il dretg d’extincziun tenor l’art. 17 RGPD, il dretg da restrenscher l’elavuraziun tenor l’art. 18 RGPD, il dretg da cuntradicziun tenor l’art. 21 RGPD, sco er il dretg a la portabladad da las datas da l’art. 20 RGPD. Ultra da quai datti il dretg da far recurs tar in’autoritad da surveglianza ch’è responsabla per la protecziun da datas (art. 77 RGPD).

Dumondas per far diever da Voss dretgs As drizzai per plaschair en scrit al contact sut cifra 13.

Vus essas era libers da far recurs tar in'autoritad da surveglianza responsabla, sche Vus avais resalvas che l’elavuraziun da Vossas datas persunalas saja confurma al dretg.

• Autoritads da surveglianza responsablas en Svizra:
  • persuna incumbensada per la protecziun da datas dal chantun Grischun;
  • persuna incumbensada federala per la protecziun da datas e per la transparenza.
• l’autoritad da surveglianza responsabla en il Principadi da Liechtenstein è il post per la protecziun da datas dal Principadi da Liechtenstein.

En il rom da nossa relaziun da fatschenta stuais Vus metter a disposiziun quellas datas persunalas ch'èn necessarias per cumenzar e per realisar ina relaziun da fatschenta e per ademplir las obligaziuns contractualas colliadas cun quai u che nus essan obligads da relevar. Senza questas datas na vegnin nus per regla betg a pudair far in contract cun Vus u exequir quel.

Tant las datas tecnicas che nus registrain sco er ils cookies na cuntegnan per regla naginas datas persunalas. Las datas persunalas che nus, u terzas partidas incumbensadas da nus, arcunain da Vus (p.ex. sche Vus avais in conto d’utilisader tar nus u tar quests purschiders) pon dentant vegnir colliadas cun las datas tecnicas resp. cun las infurmaziuns ch'èn arcunadas en cookies e gudagnadas da quels e pon uschia eventualmain vegnir colliadas cun Vossa persuna.

13.1 Tracking

Nus duvrain utensils e servetschs da terzas partidas (che pon da lur vart duvrar cookies) sin nossa pagina-web, oravant tut per meglierar la funcziunalitad u il cuntegn da nossa pagina (p.ex. integraziun da videos u da chartas), per far statisticas e per far reclama.

Il tracking po vegnir impedì cun metter il parameter do-not track en browsers d’internet currents. Quest parameter ha per consequenza ch’il tag “do-not-track” vegn tramess en la dumonda da browser en il headerblock e che las acziuns dal visitader na vegnan betg evaluadas.

13.2 Profiling

Nus elavurain Vossas datas da l’utilisaziun da nossas paginas d’internet u apps per part da maniera automatisada per evaluar tscherts aspects persunals (profiling). Nus pudain per exempel utilisar profiling per:

• meglierar nossas purschidas e las orientar meglier tenor ils basegns individuals.
• As preschentar tenor basegns noss cuntegns e nossas purschidas, incl. offertas dad eLeanring.
• As preschentar, sche pussaivel, be reclama e purschidas ch’èn probablamain relevantas per Vus.

Nus utilisain cunzunt:

• Facebook, Instagram: Meta Platforms Ireland Limited (Irlanda)
• Lernplattform: Moodle: SAS dal Grischun (Svizra)
• LinkedIn: LinkedIn Ireland Unlimited Company (Irlanda)
• Marketing/Nutzungsstatistiken: Google Tag Manager, Google Analytics, Google Optimize, Google Marketing Platform: Google Ireland Limited (Irlanda)
• M365 e D365: Microsoft Ireland Operations Limited (Irlanda)
• TikTok: TikTok Technology Limited (Irlanda)

13.3 Protocols da sistem IT

Tar mintga utilisaziun da las paginas-web, da las apps u da las raits da WLAN, p.ex. cun cliccar sin paginas d’internet e cun trametter e-mails, vegnan transmessas automaticamain datas che pudessan vegnir classifitgadas per part sco datas persunalas e che vegnan arcunadas da nus en uschenumnads protocols da sistem. Ils protocols da sistem vegnan arcunads da la SAP dal Grischun per eruir disturbis e per motivs da segirezza. Sche las datas n'èn betg pli necessarias per ademplir obligaziuns da manaschi u obligaziuns legalas, vegnan quellas stizzadas.

13.4 Cuntegns externs

Sin las paginas-web vegnan mussads cuntegns externs da u i dat links sin cuntegns externs. Latiers vegn transmessa l’adressa dad IP ed ils purschiders dals cuntegns pon metter cookies etc. Sch’il visitader da la pagina d’internet è s’annunzià a medem temp en la rait dal purschider respectiv, po la visita sin la pagina-web vegnir attribuida a ses conto d’utilisader tut tenor il purschider. Las datas da contact ed ulteriuras infurmaziuns davart las singulas elavuraziuns da datas da questas interpresas da servetschs pon vegnir consultadas en la decleraziun respectiva davart la protecziun da datas. La SAP dal Grischun ha in interess giustifitgà d’integrar quests cuntegns externs u da colliar cun tals, n’ha dentant nagina influenza sin la moda e maniera da la transmissiun da las datas.

Nus utilisain cunzunt:

• Software da bibliotecas: Swisscovery: SLSP AG (Svizra)
• Maletgs e videos: Flickr, Inc. (USA)
• Maletgs e videos: Vimeo.com Inc. (USA)
• Captcha: Microsoft Ireland Operations Limited (Irlanda)
• Facebook, Instagram: Meta Platforms Ireland Limited (Irlanda)
• Cuntegns: Radio e Televisiun Svizra (Svizra)
• Publicaziuns interactivas: Flowpaper: Devaldi Limited (Nova Zelanda)
• Cartas: Mapbox, Inc. (USA)
• Cartas: MazeMap AS (Norvegia)
• Plattafurmas d’emprender: Moodle: SAS dal Grischun (Svizra)
• LinkedIn: LinkedIn Ireland Unlimited Company (Irlanda)
• Statisticas da marketing/d’utilisaziun: Google Tag Manager, Google Analytics, Google Optimize, Google Marketing Platform: Google Ireland Limited (Irlanda)
• Examinaziun da plagiat: Turnitin, LLC (USA)
• M365 e D365: Microsoft Ireland Operations Limited (Irlanda)
• YouTube, Google Maps: Google Ireland Limited (Irlanda)

13.5 Cuntegns sin plattafurmas da terzs

Nus gestiunain paginas ed autras preschentaziuns online sin raits socialas ed autras plattafurmas che vegnan administradas da terzs ed elavurain datas da Vus en quest connex. Nus retschavain datas persunalas da Vus e da las plattafurmas (p.ex. statisticas), per exempel sche Vus communitgais cun nus u commentais noss cuntegns. Nus avain il dretg, ma betg l’obligaziun da verifitgar cuntegns avant u suenter la publicaziun en nossas medias online sco er il dretg da stizzar cuntegns senza preavis e d’annunziar quai, sche necessari, al purschider da la plattafurma.

Ils purschiders da las plattafurmas sezs pon analisar Vossa utilisaziun ed elavurar questas datas ensemen cun autras datas davart Vossa persuna. Quai vala en spezial, sche Vus essas gia registrads sin questas plattafurmas. Questas datas vegnan elavuradas dals purschiders da las plattafurmas era per agens intents, sco il marketing e la perscrutaziun dal martgà, dentant era per l’administraziun da las plattafurmas. Ils purschiders da las plattafurmas ageschan en lur atgna responsabladad.

Per ulteriuras infurmaziuns davart l’elavuraziun tras ils purschiders da la plattafurma correspundenta, supplitgain nus da consultar la decleraziun davart la protecziun da datas da la plattafurma respectiva.

Nus survegnin da questas persunas che gestiuneschan la plattafurma mo ina valitaziun anonimisada da las datas d’utilisaziun. I na vegn betg creà profils persunals d’utilisadras e d’utilisaders. Las statisticas anonimisadas d’utilisaziun servan d’adattar nossas offertas anc meglier als basegns ed als interess da nossas interessentas resp. da noss interessents.

En cas ch’ils gestiunaris da las plattafurmas utilisadas da nus han lur sedia ordaifer la Svizra, survegnis Vus infurmaziuns davart in’eventuala transmissiun da datas tras nus a l’exteriur sut cifra 8.

Sche Vus avais in access direct a las purschidas da plattafurmas externas da terzs, per exempel cun visitar nossas preschentaziuns online sin social media, transmettais Vus sezs e betg nus Vossas datas persunalas a l’exteriur.

Actualmain utilisain nus las plattafurmas enumeradas sutvart. L’identitad e las datas da contact dals gestiunaris da las respectivas plattafurmas èn da chattar sin lur la decleraziun davart la protecziun da datas da la plattafurma:

• Software da bibliotecas: SLSP AG (Svizra)
• Maletgs e videos: Flickr, Inc. (USA)
• Facebook, Instagram: Meta Platforms Ireland Limited (Irlanda)
• Plattafurma d’emprender: Moodle: SAS dal Grischun (Svizra)
• LinkedIn: LinkedIn Ireland Unlimited Company (Irlanda)
• M365 e D365: Microsoft Ireland Operations Limited (Irlanda)
• YouTube: Google Ireland Limited (Irlanda)

Per pudair communitgar online utilisain nus servetschs spezials da conferenza d’audio e da video. Quests servetschs pussibiliteschan p.ex. da far sesidas virtualas u d’organisar curs online e webinars. Talas sesidas, curs e webinars pon vegnir registrads per intents d’instrucziun, da scolaziun u da cumprova. Avant che cumenzar la registraziun dumandain nus Voss consentiment. Per la participaziun a conferenzas d’audio e da video valan cumplementarmain ils texts giuridics dals singuls servetschs. Latiers tutgan per exempel las decleraziuns respectivas davart la protecziun da datas e las cundiziuns d’utilisaziun. Nus utilisain spezialmain:

• Teams: Microsoft Ireland Operations Limited (Irlanda)

Las suandantas indicaziuns davart la protecziun da datas dattan ina survista davart la retschertga e l’elavuraziun da Vossas datas en il Learning Management System (https://moodle.phgr.ch) da la SAP dal Grischun («Moodle»). Moodle è in Open Source Learning Management System (LMS) e vegn duvrà a la SAP dal Grischun sco plattafurma d’emprender centrala. Ils curs servan a las studentas ed als students sco resursa d’infurmaziun e d’emprender, ultra da quai vegn Moodle utilisà per las cumprovas da prestaziun. Questas indicaziuns davart la protecziun da datas sa drizzan a tut las utilisadras ed a tut ils utilisaders da Moodle, spezialmain a las studentas ed als students ed a las persunas d’instrucziun.

14.1 Elavuraziun per ademplir las incumbensas sco scola auta purtada dal chantun

La SAP dal Grischun elavura las datas per ademplir las incumbensas che vegnan surdadas legalmain a las scolas autas purtadas dal chantun tenor la lescha sur l’artitgel 9 LSAP. Il mandat da prestaziun da la SAP dal Grischun cumpiglia tranter auter da porscher scolaziun, furmaziun supplementara, perscrutaziun e servetschs (art. 2 LSAP).

14.2 Tge funtaunas e datas utilisain nus?

Nus elavurain datas che Vus endatais sez a moda activa, sco p.ex. contribuziuns en forums, contribuziuns en Wiki, incumbensas schliadas e respostas d’examen u cumplettaziuns da Voss profil. Lura datas davart valitaziuns da tests, incumbensas e cumprovas da prestaziun che vegnan generadas a moda automatica u che vegnan endatadas activamain da Vossa accumpagnadra u da Voss accumpagnader dal curs. Ultra da quai registrain nus tge curs che Vus duvrais e tge che Vus faschais cura en quests curs (p.ex. tge paginas che Vus avais visità). Lura vegnan elavuradas datas principalas sco Voss num e Vossa adressa dad e-mail. Questas datas pon derivar tant d’auters sistems interns sco era da servetschs externs sco SWITCH edu-ID. Mintga access a Moodle vegn protocollà en logfiles. Latiers tutgan datas tecnicas sco l’adressa dad IP, infurmaziuns davart il tip da browser, la data e las uras da l’access.

14.3 Per tge elavurain nus Vossas datas?

Las datas vegnan elavuradas per metter a disposiziun las purschidas dad e-learning da la SAP dal Grischun en ils champs da l’instrucziun e da la furmaziun supplementara e per garantir il manaschi da scola auta. En quest connex vegn pussibilitada l’interacziun in cun l’auter en differentas activitads sco chats, forums, retschertgas u tests.

Vossas datas vegnan elavuradas per las autentifitgar ed autorisar per Moodle e per puspè metter a disposiziun en la medema furma ils parameters che Vus avais definì en Moodle en cas d’ina ulteriura annunzia.

L’arcunaziun dals logfiles succeda d’ina vart per intents da statistica, per segirar il servetsch, per analisar attatgas e per garantir la stabilitad tecnica. Per l’autra pon ins acceder a logfiles en il rom dad examens e cumprovas da prestaziun, per controllar sch'igl ha dà malrecliadads.

Moodle dispona d’ina funcziun da Learning Analytics. La finamira da questa funcziun è da far prognosas davart il success d’emprender da singulas utilisadras e singuls utilisaders e da far diagnosas e recumandaziuns, quai a basa da las datas d’utilisaziun dal passà e dal diever actual. Actualmain vegn questa funcziun duvrada a la SAP dal Grischun mo en tscherts projects per intents da perscrutaziun e da svilup interns.

Las suandantas indicaziuns davart la protecziun da datas dattan ina survista da la retschertga e da l’elavuraziun da Vossas datas en miaPHGR (https://mia.phgr.ch) da la SAP dal Grischun (suandantamain «miaPHGR»). miaPHGR vegn duvrà da la SAP dal Grischun sco Online-Self-Service-Tool per las commembras ed ils commembers da la scola auta. El serva ultra da l’administraziun da las datas persunalas, a la registraziun per purschidas e per servetschs da la SAP dal Grischun ed ad intents d’infurmaziun. Questas indicaziuns per la protecziun da datas sa drizzan a tut las utilisadras ed ils utilisaders da miaPHGR, spezialmain a las studentas ed als students ed a las docentas ed als docents.

15.1 Elavuraziun per ademplir las incumbensas sco scola auta purtada dal chantun

La SAP dal Grischun elavura las datas per ademplir las incumbensas che vegnan surdadas legalmain a las scolas autas purtadas dal chantun tenor la lescha sur l’artitgel 9 LSAP. Il mandat da prestaziun da la SAP dal Grischun cumpiglia tranter auter da porscher scolaziun, furmaziun supplementara, perscrutaziun e servetschs (art. 2 LSAP).

15.2 Tge funtaunas e datas utilisain nus?

Nus elavurain datas che Vus endatais sez a moda activa, sco p.ex. cumplettaziuns ed actualisaziuns da vossas datas d’adressa e contact, datas persunalas extendidas e documents persunals sco cumprovas da prestaziun. Ultra da quai registrain nus tge purschidas e servetschs che Vus avais reservà. Questas infurmaziuns pon derivar tant d’auters sistems interns sco era da servetschs externs sco SWITCH edu-ID. Mintga access a miaPHGR vegn protocollà en logfiles. Latiers tutgan datas tecnicas sco l’adressa dad IP, infurmaziuns davart il tip da browser, la data e las uras da l’access.

15.3 Per tge elavurain nus Vossas datas?

Las datas vegnan elavuradas per a pussibilitar in access independent dal temp a Vossas datas ed a purschidas e servetschs e per uschia render il manaschi da la scola auta pli effizient e pli favuraivel per la clientella.

Nus elavurain Vossas datas per las autentifitgar ed autorisar per l’utilisaziun da miaPHGR e per metter a disposiziun puspè en la medema furma ils parameters che Vus avais definì en miaPHGR en cas d’ina ulteriura annunzia. Tar l’emprima registraziun vegn Voss numer d’AVS armonisà cun nossas datas per As pudair identifitgar cleramain e per garantir la qualitad da las datas. Vossas datas da contact e las datas persunalas amplifitgadas vegnan elavuradas per garantir il manaschi da la scola auta, en spezial per intents da communicaziun, p.ex. en cas d’eveniments extraordinaris u per far quint.

L’arcunaziun dals logfils vegn fatga per intents da statistica, per segirar il servetsch, per analisar attatgas e per garantir la stabilitad tecnica.

Las indicaziuns qua sutvart davart la protecziun da datas dattan a Vus ina survista davart la retschertga e l’elavuraziun da Vossas datas sin la plattafurma da plazzas da la SAP dal Grischun (jobs.phgr.ch). Las datas vegnan arcunadas ed elavuradas en noss sistems en Svizra. Questas indicaziuns davart la protecziun da datas sa drizzan a tut las utilisadras ed a tut ils utilisaders da la plattafurma da plazzas.

17.1 Elavuraziun ed adempliment da las incumbensas sco scola auta purtada dal chantun

L’elavuraziun e l’arcunaziun da datas persunalas tras la SAP dal Grischun succeda per ademplir las incumbensas ch’èn vegnidas surdadas legalmain a las scolas autas purtadas dal chantun tenor la Lescha davart las scolas autas e la perscrutaziun (art. 9 LSAP).

17.2 Tge funtaunas e datas utilisain nus?

En il rom da Vossa annunzia elavurain ed arcunain nus las suandantas datas persunalas che vegnan transmessas:

• titulaziun/schlattaina
• titel
• num, prenum
• datas da contact (adressa e-mail, numer da telefon, adressa, pajais)
• data da naschientscha
• foto
• audio e video (vesair cifra 13.5)
• qualificaziuns ed experientscha da lavur
• curriculum vitae, brev da preschentaziun ed ulteriurs documents da Vossa annunzia
• referenzas ed attestats

Questas datas vegnan arcunadas, elavuradas e transmessas internamain be en il rom da Vossa annunzia. Las datas èn accessiblas be a collavuraturas e collavuraturs da las resursas umanas ed a las persunas involvidas en il process da selecziun.

17.3 Per tge elavurain nus Vossas datas?

L’elavuraziun e l’arcunaziun da Vossas datas persunalas succeda en il rom dal process d’annunzia e/u en il rom da la conclusiun d’in contract per ina incarica, d’in contract da collavuraziun u da lavur. Ils documents da contract e las cundiziuns da fatschenta pon cuntegnair ulteriurs detagls davart ils intents respectivs da l’elavuraziun da datas. Las datas pon vegnir elavuradas ed arcunadas per intents statistics (p.ex. reporting). I n’è betg pussaivel da far colliaziuns cun singulas persunas.

17.4 Durada da conservaziun

Vossas datas persunalas vegnan conservadas mo uschè ditg sco necessari per ils intents, per ils quals ellas èn vegnidas registradas, ubain sco previs tenor ils termins legals da conservaziun. Suenter la fin da la procedura d’annunzia vegnan Vossas datas (profil e documents d’annunzia) stizzadas il pli tard suenter 3 mais, nun che Vus hajas dà explicitamain Voss consentiment per in’arcunaziun pli lunga u ch’i saja vegnì fatg in contract. En l’ultim cas vegnan Voss documents d’annunzia transferids en il dossier da persunal. Sche Vus avais pliras annunzias currentas tar la SAP dal Grischun, vegn il profil stizzà automaticamain pir 3 mais suenter l’ultima annunzia. I na dat nagina communicaziun davart l’annullaziun da las datas.

Sche Vus avais acceptà ina conservaziun pli lunga, vegn Vossa annunzia attribuida ad in pool da candidatas e candidats. En quest cas survegnis Vus in messadi d’infurmaziun. Sche Vus n’essas betg d’accord u n’avessas nagin interess pli, avais adina la pussaivladad d’ans communitgar Vossa decisiun. Sche Vossa candidatura vegn attribuida ad in pool da candidatas e candidats, vegnan Vossas datas conservadas fin a 24 mais ed alura stizzadas.

Questa declaraziun davart la protecziun da datas na fa betg part d’in contract cun Vus. Nus pudain adattar da tut temp questa decleraziun davart la protecziun da datas. La versiun publitgada sin questa pagina d’internet è mintgamai la versiun actuala. Nus resalvain il dretg d’infurmar activamain persunas registradas tar nus, en cas da midadas considerablas. En general vala per las elavuraziuns da datas mintgamai la decleraziun davart la protecziun da datas en la versiun actuala al cumenzament da l’elavuraziun correspundenta.

Questa decleraziun davart la protecziun da datas vegn manada da la direcziun da la scola auta sco agiunta da las directivas davart la protecziun da datas e davart la segirezza da las datas (BR 210.100). En cas da divergenzas valan las directivas.