Campus

Biblioteca

Ultra dals meds d’instrucziun per tut ils ciclus e roms chattais Vus en la biblioteca da la SAP dal Grischun litteratura spezialisada pedagogica, medias ed impuls per l’instrucziun, valischs da promoziun e da temas, revistas spezialisadas sco era litteratura per uffants e giuvenils. La rimnada da meds d’instrucziun dispona da tut las medias che vegnan proponidas e pretendidas dal Plan d’instrucziun 21.

La purschida vegn cumplettada entras in’elecziun da resursas electronicas sco e-books, e-journals e bancas da datas. 

E-Book Central

La biblioteca da la SAP dal Grischun è commembra da la Swiss Library Service Platform (SLSP). Per utilisar la biblioteca As registrai per plaschair al portal da retschertga SLSP swisscovery. Suandai per quai il link registraziun sin la pagina d'entrada. Per far diever da  la biblioteca valan las disposiziuns en las Normas concernent l'administraziun.

Nossa biblioteca fa part da l'instituziun «Spezialbibliotheken Region Zürich» da swisscovery.

Tut las medias da la SAP dal Grischun pon vegnir retschertgadas ed empustadas en swisscovery. Sur las opziuns da l'empustaziun pon ins era retrair medias d'autras bibliotecas en tut la Svizra per currier u per posta.

Ultra da quai pudais Vus As laschar furnir medias da las suandantas bibliotecas da Cuira a la SAPGR:

• Center da furmaziun per la sanadad ed ils fatgs socials
• Scola chantunala grischuna
• Scola professiunala artisanala
• Scola auta spezialisada dal Grischun
• Biblioteca chantunala dal Grischun
• Scola auta da teologia
• Biblioteca da la citad da Cuira

Instrucziun davart il currier cun velo da Cuira

Glindesdi - gievgia 08:30-17:00 uras
Venderdi 08:30-13:00 uras

Dis serrads & temp d’avertura reducì 2024

29-03 fin 01-04 Venderdi sontg e Pasca
09-05 Ascensiun
20-05 Glindesdi da Tschuncaisma
08-07 fin 21-07 Serrada durant la stad
01-08 Di da la festa naziunala

22-07 fin 18-08 temp d'avertura reducì: Glindesdi – gievgia 10:00-16:00 uras, venderdi 10:00-13:00 uras

24-12 fin 05-01-2025 Nadal/Bumaun