La SAP dal Grischun sco patruna
Las meglras perspectivas per vossa carriera professiunala

La Scola auta da pedagogia dal Grischun porscha plazzas attractivas e spazi per il svilup ed il perfecziunament persunal e per contacts. Avais Vus interess da perscrutar, d’instruir, da garantir il manaschi da la scola auta u da prestar servetschs spezialmain per umans giuvens? Lura essas Vus al dretg lieu tar nus. Contribui Vossas fermezzas e daventai part da noss team pluriling.

Incumbensas interessantas  

A la SAP dal Grischun lavuran var 140 collavuraturas e collavuraturs da differents chantuns e da differentas regiuns linguisticas. Nus purschain occupaziuns en differents champs professiunals. 


Collavurar 

Ideas orientadas a soluziuns ed a resursas na sa ferman betg avant cunfins geografics e n’èn betg liadas ad ina vegliadetgna u ad ina schlattaina. La SAP dal Grischun fa stim da la diversitad e da la participaziun da collavuraturas e collavuraturs. Nus manain cun ina clera finamira, communitgain avertamain, promovain il senn per la cuminanza ed agin en atgna responsabladad. La cultura da las portas avertas e da las vias curtas sco er il contact persunal contribueschan ad ina relaziun caracterisada da stima. Sco patruna sociala sustegna la SAP dal Grischun tenor pussaivladad structuras da lavur attractivas per famiglias. 


Promoziun sistematica 

Sco lieu da scolaziun per persunas d’instrucziun è l’emprender la fatschenta centrala da la SAP dal Grischun. La SAP dal Grischun investescha sistematicamain en il futur da sias collavuraturas e da ses collavuraturs. Ensemen cun els vegnan definidas las finamiras da prestaziun e da svilup. Il svilup professiunal vegn promovì e sustegnì da la SAP dal Grischun. Nus stimain collavuraturas e collavuraturs ch’èn mirveglius ed iniziativs. 


Voss engaschi a la SAP dal Grischun vala la paina  

La SAP dal Grischun promova – sche pussaivel – dad unir la professiun cun auters secturs da la vita. Plazzas a temp cumplain e parzial, models dal temp da lavur flexibel sco era pussaivladads da lavurar independentamain dal lieu spetgan sin Vus. La canorta d’uffants pitschens Scalära sa chatta damanaivel da la SAP dal Grischun. Las pajas a la SAP dal Grischun sa basan sin la structura da las pajas dal persunal chantunal. 

Collavuraturas e collavuraturs da la SAP dal Grischun profiteschan da differentas purschidas gratuitas u reducidas. En l’agen restaurant Scaläratreff pon ins mangiar per in pretsch bass en in’atmosfera agreabla. La vasta purschida da sport da la SAP e da la SAS dal Grischun stat er a disposiziun a las collavuraturas ed als collavuraturs da la SAP dal Grischun. Sco collavuratura e collavuratur da la SAP dal Grischun profitais era d’in abunament per carsharing. La purschida da mobilitad per collavuraturas e collavuraturs cumpiglia plinavant e-bikes ch’ins po utilisar per viadis da servetsch en il territori da la citad. 


Plazs da lavur moderns cun bellezza vista  

La SAP dal Grischun sa chatta bain accessibla en il quartier attractiv da Cuira Loëstrasse-Lürlibad. Cun vista sin la citad da Cuira e sin las muntognas grischunas e cun in restaurant porscha la SAP dal Grischun ina infrastructura moderna cun plazs da lavur ergonomics. 

Plazzas libras 

Nossa purschida da plazzas chattais Vus sin il suandant link  

As sentis pledentads? Nus ans legrain d’As emprender d’enconuscher. 

Contact

Ihr Browser (IE 11) ist leider zu alt und wird nicht mehr unterstützt.