Studi da master

Stgalim secundar I per persunas d'instrucziun dal stgalim primar (stgalim supplementar) 

Il studi vegn concepì dal tuttafatg tenor ils basegns da las studentas e dals students. Durant lur scolaziun han persunas d’instrucziun dal stgalim primar gia elavurà enconuschientschas en las scienzas d’educaziun, en la pratica professiunala ed en la didactica dal rom. Latiers vegnan enconuschientschas da la scienza dal rom. Durant la scolaziun sco persuna d’instrucziun secundara vegnan approfundads tut ils champs parzials ed elavuradas cumpetenzas supplementaras per il stgalim superiur.

Dus praticums «on the job» (sche las studentas ed ils students instrueschan gia sin il stgalim superiur) u en classas ospitantas cumpletteschan la scolaziun.

La scolaziun terminescha ultra d’in diplom d’instrucziun renconuschì da la CDEP cun in Master of Arts resp. Science. Ella cumpiglia en cas da trais roms almain 120 puncts da credit.

Il studi vegn realisà en cooperaziun cun la SAP da Son Gagl. Las studentas ed ils students èn immatriculads a la SAPSG, la gronda part da la scolaziun ha dentant lieu a Cuira.

• Durada dal studi: 6 semesters
• Dis da preschientscha: exclusivamain mesemna e venderdi a la SAP dal Grischun
• Igl è pussaivel d’avair ina plazza a temp parzial fin a 60% en ina scola (er il stgalim superiur)
• Studi per gronda part en lingua tudestga
• Durada da semester 12 emnas, emnas da studi en las vacanzas da scola
• Planisaziun e cunvegna da studi individuala

Ils temps da studi sa drizzan tenor il chalender da studis da la SAP da Son Gagl. Ils dis da modul duran per regla da las 08.15-16.45 uras. 

• Persunas d’instrucziun dal stgalim primar cun in diplom d’instrucziun renconuschì per il stgalim prescolar e primar u per il stgalim primar
• Persunas d’instrucziun cun in diplom d’instrucziun seminaristic, cun ina pratica d’instrucziun d’almain trais onns sin il stgalim secundar I e/u sin il stgalim primar cun in grad d’occupaziun d’almain 50 pertschient da plazzas
• Cumprova da la cumpetenza linguistica C1 tenor GER (Rom europeic communabel da referenza) tar l’elecziun d’ina lingua estra
• Prestaziuns da studi ch’èn vegnidas acquistadas ordaifer la scolaziun sco persuna d’instrucziun, sco era pratica d’instrucziun pon vegnir attribuidas fin maximalmain 60 credits tenor las directivas da la CDEP.
• Annunzia per il studi sin la website da la SAPSG

La scolaziun vegn terminada cun in diplom da la CDEP per il stgalim secundar I che vala en l'entira Svizra sco era cun in Master of Arts (resp. Science) in Secondary Education.

Las studentas ed ils students èn immatriculads a la SAPSG e s'annunzian medemamain là. Ulteriuras infurmaziuns chattais Vus qua.