Qualificaziuns d’instruir
Studis supplementars

Vus essas persuna d’instrucziun diplomada e vulais instruir ulteriurs stgalims da scola u roms? Cun ils studis supplementars da la Scola auta da pedagogia dal Grischun survegnis Vus ina qualificaziun d’instruir correspundenta.
U vulais Vus ina renconuschientscha naziunala per Voss diplom d’instrucziun da l’exteriur? Mesiras da cumpensaziun individualas a la SAP dal Grischun As mainan a la finamira

Infurmaziun

La SAP dal Grischun porscha ils suandants studis supplementars:

  • Studi supplementar stgalim primar – furmaziun preliminara: diplom d’instrucziun per la scolina)
  • Studi d’in rom supplementar stgalim primar – furmaziun preliminara: diplom d’instrucziun per stgalim primar)

Persunas d’instrucziun da l’exteriur resp. persunas d’instrucziun cun diplom da l’exteriur san absolver a la SAP dal Grischun mesiras da cumpensaziun per laschar renconuscher lur diplom d’instrucziun:

  • Mesiras da cumpensaziun – furmaziun preliminara: diplom d’instrucziun da l’exteriur per stgalim primar)

Studi supplementar stgalim primar

Qualificaziun d’instruir cumplessiva

Sco absolvent:a dal studi d’in stgalim supplementar per il stgalim primar essas Vus qualifitgads d’instruir tant ils dus onns da la scolina sco er ils sis onns da la scola primara. Vus survegnis in diplom supplementar renconuschì da la Conferenza svizra da las directuras e dals directurs chantunals da l'educaziun publica (CDEP).

Admissiun cun diplom d’instrucziun

Per l’admissiun al studi d’in stgalim supplementar per il stgalim primar duvrais Vus in diplom d’instrucziun per la scolina e facultativ per ulteriurs onns da scola renconuschì da la CDEP.

Dimensiun da las prestaziuns da studi

La dimensiun da las prestaziuns da studi per il studi supplementar per il stgalim primar correspunda a quella che Vus stuais prestar uschiglio per ils onns da scola correspundents durant il studi regular.

Attribuziun da prestaziuns

Prestaziuns da furmaziun e da studi formalas ch’èn relevantas pudais Vus laschar attribuir da maniera commensurada per il diplom supplementar. Era pratica d’instrucziun validada pudain nus attribuir a Vossa furmaziun da la pratica professiunala.

Organisaziun dal studi

Vus frequentais ils moduls ensemen cun las studentas ed ils students dal studi da bachelor. Ils custs correspundan als custs per il studi da bachelor.

Studi d’in rom supplementar stgalim primar

Qualificaziun d’instruir per ulteriurs roms

Cun absolver il studi d’in rom supplementar per il stgalim primar savais Vus instruir ulteriurs roms en ils onns da scola per ils quals Vus essas gia scolads. Vus survegnis in diplom supplementar renconuschì da la Conferenza svizra da las directuras e dals directurs chantunals da l'educaziun publica (CDEP).

Admissiun cun diplom d’instrucziun

Per l’admissiun al studi d’in rom supplementar per il stgalim primar duvrais Vus in diplom d’instrucziun per il stgalim primar renconuschì da la CDEP – saja quai in diplom d’instrucziun per la scolina, in diplom d’instrucziun per scola primara u in diplom d’instrucziun per la scolina ed il stgalim primar.

Dimensiun da las prestaziuns da studi

La dimensiun da las prestaziuns da studi per il studi d’in rom supplementar per il stgalim primar correspunda a quella che Vus stuais prestar uschiglio per ils onns da scola correspundents durant il studi regular.

Attribuziun da prestaziuns formalas

Prestaziuns da furmaziun e da studi formalas ch’èn relevantas pudais Vus laschar attribuir da maniera commensurada per il diplom supplementar. Era pratica d’instrucziun validada pudain nus attribuir a Vossa furmaziun da la pratica professiunala.

Organisaziun dal studi

Vus frequentais ils moduls ensemen cun las studentas ed ils students dal studi da bachelor. Ils custs correspundan als custs per il studi da bachelor.

Mesiras da cumpensaziun

Per la renconuschientscha naziunala da diploms d’instrucziun da l’exteriur è responsabla la Conferenza svizra da las directuras e dals directurs chantunals da l'educaziun publica (CDEP). Uschespert che Vus faschais ina dumonda a la CDEP, definescha ella las mesiras da cumpensaziun ch’èn necessarias per la renconuschientscha.

Fegl d`infurmaziun da la CDEP

Studis da master

Studi da master Pedagogia curativa da scola

Pedagogas e pedagogs curativs da scola instrueschan, accumpognan e promovan scolaras e scolars cun basegns da furmaziun spezials. En quest connex collavuran els stretgamain cun persunas d’instrucziun, cun expertas ed experts e cun geniturs. Il studi da master collia svilups actuals da la pratica cun enconuschientschas scientificas.

ulteriuras infurmaziuns

Studi da master Svilup da la scola

Midadas socialas influenzeschan las scolas ed èn ina sfida per ellas. Sco sviluppadra/sviluppader da la scola participais Vus da maniera activa d’iniziar pass da svilup e da definir novs process. Il studi da master svilup da la scola en cooperaziun cun autras scolas autas As qualifitgescha sco expertas ed experts dal svilup da la scola sin nivel naziunal ed internaziunal.

ulteriuras infurmaziuns

Contact

Ihr Browser (IE 11) ist leider zu alt und wird nicht mehr unterstützt.