Emprender individualisà
LernLAB - la plattafurma d’emprender orientada a las cumpetenzas
Pront per l’emprender da damaun?
Da reflectar e sviluppar vinavant l’emprender sut las premissas da la digitalitad è ina da las grondas sfidas per las scolas ils proxims onns. Amplifitgain nus simplamain noss settings d’emprender existents cun in pèr purschidas digitalas u ans laschain nus animar a furmas d’emprender dal tuttafatg novas entras las pussaivladads extendidas?
Il lernLAB da la SAP dal Grischun è ina ferma purschida per...
- sustegnair da maniera raschunaivla ed effizienta las scolas da s’occupar da la midada digitala per l’emprender.
- experimentar ed etablir furmas d’emprender ibridas.
- prender per mauns ils proxims pass da svilup en il champ dals settings d’emprender individualisads ed orientads a las cumpetenzas
Il lernLAB che sa basa sin standards averts e che porscha ils servetschs en Svizra, ha integrà il PI21 cumplet e porscha instruments ferms e flexibels per concepir in’instrucziun moderna. La SAP dal Grischun sustegna las scolas sin lur via cun cussegliaziun, furmaziuns supplementaras ed ina ferma plattafurma d'emprender sin basa da Moodle. Il lernLAB sa lascha integrar en autras soluziuns digitalas e configurar correspundentamain als basegns.
Pertge è il lernLAB util per Vossa scola?
Infrastructura, accumpagnament, colliaziun: sin quests trais facturs da success sa basa la nova purschida da la SAP dal Grischun.
- Plattafurma d’emprender pronta per il diever e preconfigurada sin basa da Moodle
- Il Plan d'instrucziun 21 è integrà
- Relaziun cun meds d’instrucziun actuals
- Grond grad da funcziun / ferms instruments d’emprender
- Servers en Svizra
- Pachets da furmaziun supplementara adattads per Vossa scola
- Coaching per persunas che tgiran la plattafurma al lieu
- Colliaziun e barat cun autras scolas e cun persunas d’instrucziun (colearning)
Contact