Quai è il titel dal Forum da direcziuns da la scola da la Svizra Orientala che ha gì lieu durant dus dis a la Scola auta da pedagogia dal Grischun. L'event è vegnì organisà da la Rait da mainascolas, in'iniziativa communabla da la Scola auta da pedagogia dal Grischun, da la Scola auta da pedagogia da Son Gagl e da la Scola auta da pedagogia da Turgovia.
Il rectur da la SAP dal Grischun, prof. dr. Gian-Paolo Curcio, ha tematisà en ses pled da bainvegni l’aspect da manar: "Bunas manadras e buns manaders han in interess sincer per il bainstar da quels ch’els dastgan manar e vesan ch’il pretsch per il privilegi da manar è da metter enavos ils agens interess. Manar vul dentant era dir da crear cundiziuns per pussaivladads, per che las collavuraturas ed ils collavuraturs possian sa sviluppar e restar sauns.”
Plinavant èn stadas en il focus l’emprim di las atgnas resursas da las direcziuns da la scola, entant ch’igl è vegnì mussà il segund di, pertge che las manadras ed ils manaders da scola èn persunas decisivas per ina scola sauna. Durant la dieta èn var tschient participantas e participants s'occupads en differents keynotes ed en differentas purschidas da la tematica, co ch’ins po concepir en la pratica ina scola sauna.
La neuroscienziada, dr. Barbara Studer, ha mussà en ses referat davart il tema “Sanadad mentala ed equiliber", co che novas enconuschientschas pon vegnir duvradas per ina vita ademplida malgrà il grond dumber d’infurmaziuns. L’anteriur rectur da la Scola auta da pedagogia da Sviz, prof. dr. Silvio Herzog, ha intermedià a las manadras ed als manaders da scola tips pratics per promover la sanadad en lur scola, quai sut il titel "In cumportament da manar salutogen - Il 3x3 da l'agir contemporan".
Workshops, stans da martgà, ina discussiun da podium ed in’invista en il Friendly-workplace dals Servetschs psichiatrics dal Grischun (PDGR) han cumplettà las purschidas dal forum.
Nus engraziain a tut las participantas ed a tut ils participants ch’èls han fatg part e per lur engaschament en lur scolas ed a tut las persunas participadas che han gidà a realisar cun success questa occurrenza.
Schulleiter:innen setzen Impulse. Sie begreifen Schule als attraktiven Lern- und Bildungsraum und verstehen es, bestehende und zukünftige Anforderungen im Bildungssystem mit den Mitarbeitenden erfolgreich anzupacken. Als Schulleiter:in gestalten Sie Veränderungsprozesse und unterstützen kooperative, wirksame und ressourcenorientierte Lösungen.
ulteriuras infurmaziunsIhr Browser (IE 11) ist leider zu alt und wird nicht mehr unterstützt.