Campus
Biblioteca

En la biblioteca da la Scola auta da pedagogia dal Grischun pon tut las persunas interessadas emprestar medias. Plinavant stattan a disposiziun plazs da lavur empernaivels e las collavuraturas ed ils collavuraturs da la biblioteca As sustegnan gugent tar Vossa retschertga.

Informaziuns

Purschida

En la biblioteca da la SAP dal Grischun chattais Vus ils meds d’instrucziun ch’èn usitads actualmain en il chantun Grischun. Els èn orientads al plan d’instrucziun e resguardan tut ils ciclus e roms. 

Ultra dals meds d’instrucziun e da la litteratura spezialisada pedagogica datti era medias ed impuls per l’instrucziun, valischs da promoziun e da temas, revistas spezialisadas sco era litteratura d’uffants e da giuvenils. 

La biblioteca cumplettescha la purschida cun ina schelta da resursas electronicas sco e-books, e-journals e bancas da datas.  

Utilisaziun

La biblioteca da la SAP dal Grischun è commembra da la Swiss Library Service Platform (SLSP) che tgira il portal da retschertga swisscovery (rzh.swisscovery.slsp.ch). Cun il servetsch da currier da swisscovery avais Vus sco utilisader u utilisadra – cunter ina taxa – access a medias da diversas bibliotecas da tut las regiuns linguisticas da la Svizra. 

Plinavant pudais Vus empustar per currier da velo medias da las suandantas bibliotecas a Cuira en la biblioteca da la SAP dal Grischun:  

  • Center da furmaziun per la sanadad ed ils fatgs socials (cfss)  
  • Scola chantunala grischuna BKS 
  • Scola professiunala artisanala GBC 
  • Scola auta spezialisada dal Grischun FHGR/SASGR 
  • Biblioteca chantunala KGB 
  • Scola auta da pedagogia PFH?? 
  • Scola auta da teologia THC 
  • Biblioteca da la citad da Cuira SBC 

Infurmaziuns davart il currier da cudeschs (Verlinkung Buchkurier Flyer) 

Inscripziun

Avant la visita tar nus As supplitgain nus da s’inscriver sin questa pagina.

Per quai dovri ina edu-ID che Vus pudais crear durant l’inscripziun u sin la homepage da l’edu-ID. 

Uras d’avertura

Glindesdi – venderdi  08 – 19 uras (cussegliaziun bibliotecara fin las 18 uras) 

Sonda 08 – 14 uras (cussegliaziun bibliotecara fin las 12 ura)

APP introducziun a la biblioteca

Tgi che vul emprender d’enconuscher la biblioteca da la SAP dal Grischun per app, po chargiar giu l’app gratuita ed absolver il bound da biblioteca.

Contact

Contact

Ihr Browser (IE 11) ist leider zu alt und wird nicht mehr unterstützt.